外出午餐

是日不想煮午餐
於是就出外搵食
這是新開的一間小店
決定入去試試

新店佈置樸實雅緻 

牆上掛著不少舊相片

食物就沒有新意

但收費就比較相宜

老伴點了份全日早餐

非常大份又包茶

我點了份輕盈早餐

一樣包茶

每份餐有兩片牛油多士

最終吃不完

鯖魚肉粟米炒蛋

 

最近又買咗幾包鯖魚柳

可以食好幾餐

其實就咁煎都幾好味

但忍不住要變變做法

否則自己都覺得悶

懶懶地做個碟頭飯

以下材料

先將鯖魚煎熟拆肉

呢兩條魚柳

竟然完全冇骨

跟著將

魚肉粟米蛋炒埋一碟

本來想做個汁

但後來都係懶整😅

一人一碟就咁就算

因為有張超市價惠券
上網購農產品其實即食物
買滿£60以上減價£12
差不多等如八折

咁啱冇米

於是諗住買幾包米

(我地食好多飯架)

點知食開隻米冇貨

送左其他牌子來

我當然唔要

咁為有等佢退款

買咗一大堆嘢

有啲已經放左入雪櫃

不過上網購物

我一定唔會買菜生果及肉

呢幾樣一定要自己去揀

打開盒蛋

一大一細每樣一半

相差咁遠嘅

原來盒面寫住係混合嘅

即有大有細

宅男上網見到平就買

又知多一樣嘢

芝麻咸包

 

最近都懶做包

間中用機做就算

麵包機整出來的包

算是不錯

也很鬆軟

但始終質感有些不同

用機搓粉

然後經人手加工

實在很多

喜歡這種絲絲的感覺

麵包機做不到的效果

上回做香蕉杯子蛋糕

怎知老眼昏花

看錯箭咀

較錯程式

幸好半途發覺有問題

最後焗出的蛋糕走了樣

外型似鬆餅

味道不變

三餸一湯素食

 今回做個咖哩齋
用日本咖哩加豆瓣醬煮
所以好簡單
至於主材料

呢處買唔到炸麵筋

於是用 Yorkshire pudding 做代替品

家人都接受

咁就冇問題

另外就是

邊豆蘑菇洋蔥炒蛋

紹菜煮齋

南瓜冬菇髪菜素湯

豬肉篇

講完雞又講下豬 

買咗盒可以做豬扒嘅豬肉
500克左右
有好幾塊
於是切三份一出來炒意粉

加邊豆及蘑菇

及些少甘荀絲炒意粉

呢個做法

係咪香港特色呢🤔

呢個係用蘑菇炒肉粒

除了鹽豉油糖外

還加左小小豆瓣醬

加多小小水做汁

然後撈麵食

剩下一塊肉

放得耐怕變壞

但又唔想放冰格

於是用幼鹽略醃

過兩日就用來做炒飯

醃得唔太咸

但又保持新鮮

炒飯效果都唔錯

天空的雲彩

在公園做完運動

時近黃昏

看著天空的雲彩

捨不得離開

秋深的英倫

天氣變幻莫測

時晴時雨

只是風也好雨也好

還是要向前走

我發覺
倫敦的楓葉未紅已落

反而有不少其他的紅葉

這小孩在擺弄斷落的樹枝

天空的雲彩很美

 

柱侯牛腱煮櫻桃蘿蔔

 用特價買來牛腱
因快到期
所以買回來即煮
好奇怪呢處係切碎來賣
我買唔到白蘿蔔
於是用櫻桃蘿蔔來煮

我照舊用柱侯醬來炆

另加生抽糖調味

炆到牛腱開始腍

然後先下櫻桃蘿蔔

煮到蘿蔔腍就可以

不過我預先煮定焗實

到晚上食飯再番熱

食來就好夠味

就係呢盒

因到期由£$4.40減至1.19

見到仍然好新鮮即買

炒多碟雜菜

大家都看到

呢處菜葉菜比較少

食來食去都係呢類蔬菜

超市行情(倫敦)

昨天到超市入貨

不能買太多

否則拿不動

用短片紀錄買下的東西

夏天日長

可以遲點出門

但現在六時左右便天黑

所以都盡量趁著天未黑回家

昨天回家時

天氣還不錯

怎知不久便風雲變色

行雷閃電

狂風暴雨

好像八號風球一樣

幸好不是持續太久

今早起來又見太陽

這裏的天氣就是這樣

天氣有時變化很大很快

昨天風雨

吹落了不少樹葉

屋後草地上的黃葉

厚得像地氈

還有公園的路上

也滿是落葉

風風雨雨

在所難免

也不妨欣賞風雨後的景象

咖喱煮粉絲

 又到素食時間
粉絲都煮過好多
今次試下用咖喱
家裡只有日本咖哩
於是就用咖喱磚
加水及生抽煮個汁
及加上甜椒

最後放入粉絲

煮到透明就可以

其間太乾，可以加水

呢個係我個人煮法

另兩個餸

蒸水蛋一時分咗心

蒸到豆皮

當然仍然滑嘅

素炒雜菜

猴頭菇素湯

個湯真係好好味

芥末籽醬汁豬扒+雜菜湯

 買了盒豬扒有四塊
先煎了兩塊做晚餐
用洋蔥加芥末籽醬做了個汁
此物老伴曾經從法國帶過回來
是一粒粒的
後來香港也有得賣
在此間超市見價格不貴
於是買了
有時用來醃肉
但真正食法我也不太清楚
芥末籽醬不辣有點酸味

加點豉油糖一起煮汁
是有點亂來
但配起豬扒食
都可接受

滾了個雜菜湯

很清甜

只加了幾粒蝦米

味道便提升了不少

這樣簡簡單單又一餐

大雞脾煮意

 遇到特價只用£1.99
買來一盒雞脾

1kg有五隻
呢個我以都會拆骨做雞扒
我一直覺得雞扒係用雞脾肉做
後來有幾位網友都指正
原來雞扒係另一部位

我用鉸剪拆骨

拆出來的骨可以煲湯

脾肉除了可做雞扒

更可做雞柳

香煎雞扒配薯仔

菠蘿炒雞柳

雞扒配意粉

日常素食

今回也是素食
中餐素食
菇類豆類都是常吃的
見得久冇做素肉
放於是做個炸猴頭菇 
處理方法一樣
但汁就每次都可以不同
今次用
番茄汁加香醋
生抽糖生粉及適量水
剛巧有新鮮菠蘿
酸酸甜甜好開胃
我久不久發下芽菜
加邊豆蘑菇甜椒甘荀
及醃製好的香菜一起炒
也算不錯
宅男感冒未清
唔煲老火湯就滾紫菜湯

加甘荀番茄及櫻桃蘿蔔
多多料又當一味餸

每款做多一點

兩餸一湯

日日煮求求其其就算

什錦海鮮炒邊豆

這道菜簡簡單單的
急凍什錦海鮮已經買了好幾次
炒粉炒麵炒飯炒菜都可以
甚是方便
今回用來炒邊豆
加上蘑菇甜椒洋蔥
吃起來不會太單調

曾經有朋友說炒蘑菇易出水
小小經驗
除了要將蘑菇抹乾水份
蘑菇待炒熟後放鹽就不易出水

急凍海鮮用滾水灼一灼

否則也會出水

邊豆我會用滾水煮一會

食起來不會太硬

格林威治公園(Greenwich Park)格林威治河底行人隧道(Greenwich Foot Tunnel)

 從博物館出來

可以從此路經[格林威治公園]

到天文台

上天文台的路

公園環境很好

雖然是秋天

草地仍然很青蔥

一片休閒的景象

有人在甜蜜拍照

行一段小斜路上山

望見天文台

天文台旁有停車場

可惜是我們來得太遲

天文台已經關門

只好望門輕嘆

下次再來要早一點

幸好在外面看看風景也不錯

若是眼力夠

全倫敦在眼下🤣

回程時看到的風景

小山上的天文台

這就是過河隧道的入口

格林威治河底行人隧道(Greenwich Foot Tunnel)

隧道另一邊出口

大家若想看隧道內情況請睇片

現在望回對岸格林威治

其實我們行得好少

一定要找機會再去

請前往YouTube看片

會更精彩🤣