有機~ 勝瓜杏鮑菇炒肉片

有機

勝瓜杏鮑菇炒肉片

因為材料新鮮

我只用左豉油、糖、鹽作調味料

煮出來己經好美味

若果好辣

可加XO醬

杏鮑菇

好像街市賣的雞肶菇

。。。

現在出產的菇菇

名堂多多

同一樣的菇也有多種叫法

又是有機餐

週末午餐在土瓜灣

十月廿六日(星期六)

早上到紅磡辦點事

辦過應辦的事

到土瓜灣吃午餐

選擇了一個類似茶餐廳的小飯館

以前曾幫襯過

地點接近何文田

其實也是旺中帶點靜

只是外面受地鐵工程影響

有些紛亂感覺

。。。

我們坐在望街的卡位

玻璃擋了陽光

坐得也算舒暢

我和老伴

每人點了一個午飯套餐

。。。

茶水部師傅太慷慨

一杯檸檬茶

給了六片檸檬

最終是浪費

我的涼瓜排骨飯$33元

獻汁糊了點

味道較淡

吃出沒有太多味精

老伴點了咕嚕魚$38元

汁味甜酸恰好

可惜是魚柳粉皮不夠脆

午餐也有不少選擇

價錢合理

至於味道方面

不過不失

若果有機會

仍然會幫襯

是的士司機大佬的午飯時間

滿眼紅噹噹

午間的街上

一派悠然

牛牛。。素湯

連續返工幾日

真是有點累了

放工時

天氣明顯涼了很多

大家記得出門要多帶件衫

今日讓大家睇睇

早前回家路上遇到的情境

呢群牛牛

本來是陣容強大

排在馬路上

擋著保姆車慢行

可惜我摷相機太慢

牠們見到我們的車子

才散開兩邊

數過

大大小小共21隻

好難想像牠們

在那裡跑出來

閒話說過

介紹呢款素湯給大家

大家或者還記得

我煮過的[三文魚骨雙番湯]

呢過都係"番茄同番薯"

加多了一樣"腐皮"

[番茄番薯腐皮]素湯

呢個不需落肉

已經好清甜

還帶些少豆香

腐片又滑滑

愛素的朋友

不妨試試

九龍城街市~賣潮州糕點的小店

朋友仔推薦

九龍城街市

樓上舖位

一問賣潮州糕點小店
我做的豆沙包
就是到這裡買的

買左半打韭菜餃

個皮做得很靚

肉餡食出係自家製品

非工廠貨可比

老闆好健談

詳細為我地介紹佢地製品

可惜我記不清

‧原來老闆信佛

佢每天都寫佛經

日子有功

寫得一手好字

大家不妨欣賞下

呢位老闆信佛

有慈悲心腸

相信一定唔會做有害食物

大家去開九龍城

不妨上街市睇睇

有冇野o岩食

地址

九龍城衙前圍道100號

街市一字樓M18號

(近豬肉檔)

港式豆沙麵包

早幾日行九龍城

經朋友仔帶路

往街市二樓

一間專賣潮洲糕點小店

買左半斤由小店自製豆沙蓉

朋友仔食過讚好

佢地做的豆沙

本是自用

因朋友仔

幫襯該舖多年

老闆先肯賣俾我地

我想做中式豆沙包

老伴就話要食焗麵包

。。。

諗住做豆沙卷

因為個粉糰搓得較濕

比較難造型

做左一個就放棄

滾幾個圓形就算

今次用左泰國麵粉

同直接法做

我地食左兩日

仍然好鬆軟

呢個豆沙餡又的確冇咁甜

食起來味道天然好多

有機素菜篇

己經差不多一個月

沒到前院(西貢自然教育中心)買菜

上星期日(十月十三日)

是個天氣晴朗的假日

早上頂著太陽

出發去買菜

慈茹田有點點白菌

莫非就是慈茹BB

這是馬蹄

以下是我買的有機菜

用腐乳炆白豆角

豆角易"淋"又清甜

莧菜加蒜片清灼

好嫩滑

"菜莖"用來炒"小蘿蔔"

加"雲耳"及"車厘茄"

素食者

多種顏色可補充營養

莧菜分兩次食

另一餐用"莖部"炒"紅洋蔥"、雲耳及牛蒡絲

牛蒡絲煮鴛鴦茄子

老黃瓜煲加蜜棗煲赤小豆及扁豆

非常清甜

忘記拍照

唯一失望是有機菜心

食過幾次都

不及街市由遼寧、銀川入口的"淋"甜

午餐在西貢白沙灣

呢間西餐廳

己經開左好多年

唔覺佢有招牌

所以連名都唔知

是日十月一日

公眾假期

本是到西貢午餐

因太多遊人

泊車困難

於是改來此處

幾乎每天都經過

今天還是第一次幫襯

佈置尚算簡潔

我們坐在二樓

可望海

海灣泊滿遊艇

可欣賞海景

點餐後

麵包先來

老伴的雞肉

賣相不錯

雞肉不太乾

味道尚可

我們遇到個生手侍應

本來要薯蓉

來了薯條

幸好薯條炸得鬆化

幾好吃

我的炸魚

炸物算有水準

粉漿用得佮可

炸得香脆

兩碟都有薯條

最後是吃不完

適逢假日

沒有套餐供應

而且最低消費

一定要每人點一份主菜

價錢不便宜

兩人沒點飲品

沒點其他前菜及甜品

埋單要$3xx

覺得唔係咁抵

但地方環境的確不錯

有葷有素

我以前最愛吃雞

後因中醫囑咐

少吃雞為妙

近年已經少食

但最近

又開始心思思

興起吃雞之念

有人覺得只有活雞才好吃

我就沒所謂

加上西貢街市

已經沒檔口賣活雞
。。。

有天經過雞檔

跟相熟檔主

打個招呼

就用$15元買了一個雞殼

所謂殼者

只是去了雙翼雙腿

雞身還有好多肉

今次用左炆煮做呢個鎹

雞檔代為斬件

先將雞件用少許鹽醃10分鍾

用易潔鑊略煎

將煎出雞油倒去

再加薑片、冬菇絲、雲耳爆香

再將雞件回鑊

灒酒

煮約十分鐘

下調味料

熟便可上碟

上碟前可隨個人喜好

下芫荽蔥

真係快捷又經濟

。。。。。。。

另個介紹這個素菜

給大家參考

亦很簡單

材料有

青豆角、有機芽菜、榨菜

炒埋一碟便可

稻香黃帝宴

黃帝宴

聽來好似好高檔

其實都係食餐飯

呢個套餐12人席

我地得6人就可以點半席

半隻乳豬

份量已經好夠食

脆皮穗香雞

爆炒爽蝦球

銀落甘筍泡千竹

椰香脆魚卷

清蒸海青斑

鮑魚扣花菇

臘味糯米飯

棗茸糕

生果

食食下先記得影相

還有一味竹生珍珠翅、三罐汽水、一枝啤酒

冇影相

六人餐全包宴

$688元

(星期六、日及公眾假期$950元)

貼士都唔使俾

平日價錢

真係超抵食

至於味道方面

屬大路貨色

不過不失

特別個鮑魚

並非罐頭貨

好有咬口

黑醋豬軟骨

呢排真係無事忙

不過仍然要做煮人

。。。。。

在西班牙買左支黑醋

放左幾個月

都未開齋

本來做菜沙律都唔錯

但我唔多喜歡食生食物

諗諗下

做左呢味

[黑醋豬軟骨]

呢個[黑醋豬軟骨]做法

非常簡單

將豬軟骨用調味料略醃

煎熟

再用黑醋加糖加少許水

加一茶匙老抽

煮至收汁便可

味道可調校至

適合自已口味

屏山文物徑+食盆菜

十月六日(星期日}

早上

遊罷濕地公園

中午

到另一景點

[屏山文物徑]參觀

下車地方

就是坑尾村內一個古老書室

跟著到附近另一條村食午餐

盆菜宴

有多種款式選擇

每席12人

要預訂

我們的菜式普通

但味道不錯

飽餐後跟著去參觀

屏山[鄧式祠堂]

剛巧祠堂內

有盆菜宴

客人中有幾位外國人

他們除了盆菜

還加了九大簋

比我們吃的

豐富很多

參觀完祠堂

就行市集

據講這是新界最古老

仍然運作的市集

平日早上就是街市

今天是假日

有粥、糖水等擺賣

豬肉檔

掛著臘鴨

紅色一束掛著的

似是臘腸衣

另一邊有村長自製花生糖、米通、香蕉糕等出售

有試食

可以食到喜歡才買

大家有否看到

[華嫂冰室]的招牌

下午時段，非常好生意

食野要排隊架

星朝日休息日

我家老伴曾幫襯過

佢話此處只賣幾款食物

但吃過一次

以後都不會幫襯

據他所說

這裏的食物

非常重份量加重口味

。。。。。

原來

時裝設計師[鄧達智]

祖居就在附近

沿途見到村內有人

種了火龍果

睇真D

遊罷文物徑

此處也有公共交通工具

往元朗

還可順便買埋

新鮮熱辣的老婆餅