自家煮晚餐(素食)

今晚本來好早預定

出街食飯

可是限聚令及晚市冇堂食

唯有自家煮

做番個我甚少做嘅炸物

素食春卷

餡料都係類似素餃

大家見到黑色

就係黑木耳即雲耳

炸物特別受歡迎

其實唔少都吃清

加個素湯

還有兩碟

簡單灼菜及蒸茄子

都清碟

今日係宅男牛一

我唔識整生日蛋糕

求其做個

粗粗地心型蛋糕

祝他生日快樂🎂

身體健康

開開心心

事事順利

簡易砵仔糕

紅豆蓉做咗好耐

剩有一啲放在冰箱

摷出來做個砵仔糕

我用腸粉食譜減半

做咗四小碗

真係又得喎

家人評語

太多紅豆

下次再做減豆

午餐的螺絲粉

今次最簡單做法

用粟米忌廉湯

加啲菜 粟米粒 洋蔥 番茄

煮埋一碟

快捷又好味

光波爐焗豬扒+餅乾零食

數字屋買來的

急凍梅頭豬扒

用蒜薑蓉

加紹酒豉油糖醃

忘記了豆粉

沒有加油

用光波爐焗250度

焗10十分鐘

再反轉焗5分鐘就成

始終還在試驗階段

雖然唔差

但還有好大進步空間

疫情嚴峻

大家少了出外

坐在家自然喜歡摷嘢食

我平時好少吃零食

但屋企某人

喜歡買餅乾

最近買咗呢款

產地菲律賓

三層夾心餅

味道不太甜

只是餅身較硬

包裝上有個清真標誌

我用綠色圈住果處

清真標誌

表示食物適合

回教人士食用

亦表示冇用豬油製造

自家製腸粉+炒沖繩苦瓜

用完腸粉預拌粉

今次自已調節

用水開好粉漿

將碟抹油

倒一層薄薄的粉漿

最好預備兩隻碟

輪著放上蒸

較為快捷方便

蒸約三分半鐘

用膠括捲起

我覺得都不太差

自已做

新鮮熱辣

家中冇麻醬

用花生醬溝甜豉油

腸粉材料

粘米粉90g

澄麵8g

生粉2g

水250g

炒沖繩苦瓜

加墨魚仔乾咸酸菜

沖繩苦瓜比

本地涼瓜較爽口

所以不需要炆腍

我買呢隻苦瓜

係本地種有機沖繩品種

味道同本地苦瓜差不多

但吃起口感有點不同

都幾好食

什菜素小炒+冬瓜素湯

椰菜花 西芹 雲耳

 洋蔥 本菇 彩椒

素菜小炒

炒埋一碟

食材多元

營養也多元化

這種天氣

冬瓜湯家庭必備湯水

素湯材料隨意

我用赤小豆扁豆

再加腰果淮山果皮

加多一碟生菜

又是清清淡淡的一餐

今日加送一隻

可愛的小狗

每天到後山散步

都會遇上Q仔

唔好睇佢狗仔細細

但行得好快

我都唔夠行

主人話佢上山都冇難度

每次同佢打招呼

佢都望過來架

忍唔住要影下佢

好叻仔

識得望住鏡頭

可惜佢毛色同地下差不多色

張相有啲"黐底"

紫色馬鈴薯+素餃子

紫色馬鈴薯

不是紫心番薯

也不是紫薯

是紫色薯仔

去皮後紫色較鮮明

宅男廚房將薯仔刨絲

煎成薯餅

成了一份營養早餐

到媽媽廚房出動

包素餃子

椰菜為主

加雲耳西芹炸菜甘荀

餃子配粟米粥

清淡晚餐

茄子蒸豆腐

再加榨菜一起蒸

再淋上豉油蔥油

豆腐放在底吸汁

都好夠味

另一款冬瓜湯

配搭材料

都係常用

今次加入冬瓜滾湯

又另一種食法

最近多了用姫松茸菇煮湯

味道都不錯

清清地又一餐

鯉魚門的店舖(完結篇)

這間叫自己做士多

賣的多是花膠海味

轉個彎就見到球場

正在下著大雨

還有這間酒樓

聽說是老舗

路邊有指示牌

轉角位還有賣香煙酒的士多

下雨天

要穿過球場

可行有瓦遮頭的地方

球場的另一邊

仍然是海鮮

又是士多

買手信的店

可以試食架

另一間老店

店主很好客

猛請人試食

牛肉豬肉乾

都可試食

我戴著口罩

不想試啦

我們上工作坊的地方

繼續行

呢間我上次跟團體行

就在此處吃團體餐

再行到呢間比較高級

對面還有一間

跟著這條路行

就可到鯉魚門燈塔及天后廟

不過我冇行

因為已經時間到

要回創意館

交回相機給導師

然後放學😅

及後第三課做手工

我早前已介紹過

👇

三節攝影工作坊

簡單晚餐+虛驚一場

又是簡單晚餐

一包有機芽菜

炒剩的用來炒蛋

菜甫芽菜炒蛋

粉絲枝竹齋

加了些少甜椒及車厘茄

增點色彩

個湯最簡單

栗米忌廉蛋花湯

我家宅男

幾乎俾佢嚇親

話說星期日晚飯時

話我聽佢發燒

呢個時勢發燒

真係非同小可

星期日晚上

那有醫生睇

匆忙吃完晚餐

只可往最近醫院急症室

幸好醫生診症後

覺得佢個肺正常

攞藥後回家休息

早上再交唾液樣本

檢測報告未出之前

要留在家自我隔離

要同家人分開食飯

報告冇事就用短訊通知

當天早上收到短訊

一家鬆了口氣

趁宅男在家

早上出墟入貨

天氣很好

仍然有不少人

在墟上行走

超市貨源充足

大家也不用搶購廁紙

不過

我就見到有人

買咗成車薯片等零食