素食餐

 素食餐
雜豆姫松茸菇素湯
洋蔥粟米炒蛋
蘑菇炒燈籠椒
急凍素麥樂雞+素春卷

素湯材料

黑豆 眉豆 腰果 合桃

姬松茸菇 紅蘿蔔 粟米 果皮

超市買急凍製成品

用氣炸鍋焗脆就可

素春卷及素麥樂雞

我家素食必有雞蛋

今回用洋蔥粟米粒炒蛋

甜椒也不缺

今回

蘑菇炒燈籠椒

還加上少許芒果粒

豬扒。三文魚

肉片番茄麵
用豬扒切片加番茄湯底
簡簡單單
其實呢個螺絲粉
60幾P一包500g 
我覺得抵食
所以常買

一盒豬扒十塊

特價7英鎊

我分幾份

放部分入冰箱

可以切片炒菜

又可用來刴肉餅

另外復活節

半價買的三文魚

還剩一份在冰箱

一塊分兩件

煎熟加上雜菜粒

每人一碟

老伴喜歡加沙律伴吃

我就清清地食

咸豬骨蠔豉粥

 咸豬骨蠔豉粥
還加上腐竹煲
味道不錯

雜菜火腿炒麵

吃得飽飽的

住家附近

一株櫻花爆發

開得燦爛

素食餐

又是素食餐

羊肚菌雪耳粟米羮🥣

西蘭花梅菜煎蛋🥢

清炒甜椒🥢

急凍春卷🥢

早前做的咖啡包

咖啡味不太濃

樣子有點醜

不過都很軟熟

食過返尋味

星期日

又和歌友唱聚

晚飯食過返尋味

又去食日本餐

壽司都有幾款

天婦羅是雜菜加蝦

咖喱吉列雞扒飯也好味 

簡單的食物

但食得開心

昨日天氣很好

半煎煮鱸魚

食左咁多肉
又要轉轉口味

冰箱有存貨
半煎煮鱸魚
煎香魚兩面
然後也少許水
順便加隻番茄一起煮
薑蔥豉油糖調味

紅洋蔥青椒清炒蘑菇

加幾粒菠蘿

簡簡單單又一餐

叉燒炒意粉

 叉燒炒意粉

用腩肉做肥叉燒
留起兩塊炒意粉

肥叉燒好食

但真係不可吃太多

肥叉燒

炒意粉都幾夾

有老家茶餐廳風味

薑蔥大蝦

早前買的大蝦
放入凍箱
係時候拎出來食
我喜歡用

薑蔥加豉油糖煮

另外呢款煮麵
都幾好味 

春天

我的自家煮

冬菇金針雲蒸雞
一盒雞髀有5隻
其中兩隻去骨起肉
用冬菇金針雲耳蒸
加上幾粒杞子
清清地唔錯

罐頭沙甸魚煮意粉

簡單快捷

而且營養豐富

當然要喜歡食沙甸魚

先覺得好味

英式鬆餅(scone)

很少做

因為呢邊超市都有出售

但自己做新鮮出爐

又比較啱自家口味

豬扒肉炒蘑菇甜椒

早前買的豬扒
因為好大盒
將部分放入冰箱
今回清雪櫃
用兩塊豬扒切成條
加甜椒蘑菇洋蔥炒
最後還加上芒果肉
加多一重口味

吃起來更醒胃

今日天氣回暖

陽光普照

街上已見到不少人穿夏裝

豉油雞髀+照片

 復活節期間
薯仔及蕪菁都做特價
薯仔15p一袋2kg
蕪菁幾p一大個
為左要消滅佢哋
所以唔煮飯
豉油雞髀

配番茄薯仔蕪菁

呢幾日天氣唔錯

因為已經轉用夏令時間

日落退後到七點多鐘

所以日落前出外散步

見到櫻花又影下相

                                                                                                                                     

         

素食餐

 呢餐食素
雙蔥炒蛋
西蘭花炒甜椒
急凍春卷
蕪菁(Swede)姬松茸素湯

簡單素食又一餐

呢兩日天氣還算好

今日又比昨日好

藍藍的天

令人看得舒服

半價三文魚

 復活節
超級市場有些貨品做特價
整條三文魚淨肉半價

半價12英鎊1kg
這一條超過1kg

將魚肉分開

可以食幾餐

將部分放入冰箱

可以保存成個月

趁新鮮煎兩塊來食

蒸魚及焗魚

 上星期五買的魚
要陸續清貨
臘腸蒸𩶘魚
可以不用落油

鹽焗鱸魚

呢個都好簡單

將魚身抹上油

再灑粗鹽

預熱焗爐200度

焗約10分鐘便可

(要看魚大小及各家爐火不同)