紫番薯麵包+焗番茄意粉

 買了兩隻紫色番薯

再次問檔主伯伯

是番薯還是紫薯

他一再強調

現在很少人種紫薯

所以我買的是紫色番薯

貪佢顏色靚

用佢做甜包

用小方包型式做

阿茂整餅

又灑些麵粉在面

又加些提子乾

做出來紫色真係幾靚 

味道方面

反而冇乜特別

就係

好軟熟甜提子包

 

 

宅男廚房出品

焗番茄意粉

冇乜新意

但今次做得好好味

 

 

有不少料

番茄 新豬肉丸 蘑菇 洋蔥 青椒

番茄汁好味

雖然食到芝士味

但不太濃

我可以接受到

 

 

烏龍整包記

今日一邊整包

一邊煮飯

咁就出事啦

將所有材料

放入麵包機搓粉

然後洗洗切切

攪定晚餐預傋工作

時間啱啱好

取出麵糰做型

發覺唔對路喎

突然想起

原來冇落酵母

點算好呢？

於是上網查下

有冇補救方法

原來可以將酵母

開水放落麵糰再搓

麵糰過濕再些少粉

再次發酵

然後造型

好在都救得番

雖然鬆軟程度

差咗小小

但都可以食得落

吃的飛碟

用麵包機

做左個方包

突然想起家中

有個已經打入冷宮

多年飛碟機

於是用方包

夾花生醬及洛神花醬

做隻吃的飛碟

自製可以加多點餡

吃得特別滿足

呢架老爺機

超過廿年

估不到仍然有用

家中

有罐羊雜灌腸

(Haggis)

是別人送的

老伴要來做飛碟餡

我見到呢堆東西

已經立刻彈開

佢自己做

結果攪成咁😅

麵包粉

大家有留意數字屋

這隻麵包粉嘛

其實都出了一個時期

我見價錢平

而且得500g

售價5元多

不妨買來試試

想不到質素不錯

因為並非常有

所以後來都買了多包

聽宅男講

原產地[拉脫維亞]

土地氣候都

甚適合種小麥

難怪品質不錯

最近比較多用機做包

真係越來越懶

紫蘿蔔麵包

見還有紫蘿蔔

貪玩用來做包

將半隻蘿蔔切條

用水煮腍

連水放入攪拌機攪成蓉

將水份隔出

適量用來搓粉

跟著將蘿蔔蓉一同加入搓

跟平常做包方法

我做甜包還減了糖

味道似手沒有什麼特別

但心理上好似健康啲😇😇😇

麵包機做包

麵包機

都是多用來攪拌麵團

最近因為生病之故

宅男又想食包

於是就自己用機做

朱古力榛子醬

是在XX棧買

當時因將近到期

只賣八元一樽

我試過用來做蛋糕

家人喜歡用來搽方包

不過

我就嫌太甜

用機做包

其實效果也不錯

免搓麵包

跟blog友艾華斯食譜

做免搓麵包

可能粉質不同

結果麵糰太濕

要用好多手粉

先可以滾成圓型

都好鬆

不過口感

始終冇手搓包咁軟熟

我都係喜歡

搓過嘅包包

特價麵包

是日

吃飯前逛商場

見到

泰昌麵包

5時半後有折扣

有餡料麵包

$11元三個

揀了

吞拿魚 腸仔 及咸牛肉

帶回家時

弄扁了

之前都好靚仔㗎

$6元一包

5個齋包

共$17元

雖是普通貨色

算好抵啦

齋包塗上

洛神花醬

加上半杯咖啡

便成了

我一天的早餐

小方包

小小方包
做早餐下午茶也適合

焗出來的包包

質地也很軟熟

材料

筋粉    250g

糖        28g

亁酵母     4g

牛油    20g

暖水   115

牛奶   28g

鹽       4g

做法

1)將所有材料搓勻,搓至光滑不黏手。

2)搓好麵糰放在盆中,用保鮮紙包著(保鮮紙抹上乾粉)

3)發醇約30分鐘,取出用手拍打放氣,摺起再發酵30分鐘,取出造型。

4)將麵糰分成3份,用手滾成圓球,放在焗盆發酵至大一倍,預熱焗爐180度,焗約45分鐘便可(要留意各人爐火不同,小心焗燶)

食譜參考邱勇靈師傅[香港麵包]

又做包包

用手搓包

係咪似模似樣呢

哈哈

雙手唔係我來架

係我阿仔

佢夠手力

好快就攪掂

天氣熱麵糰發得好靚

可以入爐啦

今次

因為係做俾朋友食

其中

有朋友對蛋敏感

所以冇用蛋液掃面

想不到今日

還有花收

多謝姐妹們

唱唱談談

過了開心的一天

黑麥包

搬了新家

事事都不大就手

萬事起頭難

希望慢慢可適應

今天做左兩個大黑麥包

用直接法

試用麵包機搓粉功能

再做型

用焗爐焗

效果不錯

非常鬆軟

相片

好似細左好多

有冇得攪呢

算啦

今日試住咁多先