花的季節

春回大地

又是拍友們

追花的季節

今年木棉花

開得早

但有些卻

葉開始枯黃

也未見有花蕾

天氣亂象

今年特別明顯

今年前院桃花

在新春過後才開花

跟往年真的不同

現在應該

已開了花

長得零星落索

另一品種

只開了一朵

另有不少花蕾

自家種的蝴蝶蘭

終於開了第一朵

照相和畫畫

總是有距離

畫是寫意

相片是記錄

各有不同風姿

青瓜梅菜炒蛋

青瓜梅菜炒蛋

家中有好多

別人送的梅菜

總要消滅一些

今次用來炒蛋

加青瓜同炒

味道清新

梅菜下飯也不錯

吃素非素食的朋友

也不妨一試

小廚晚餐

是日

和老伴弟弟及弟婦

一行四人

到沙田探望長輩

為了不阻礙

老人家休息

我們晚飯時間便告辭

四人在附近

見有一葉小廚

有小菜供應

正合心意

坐下即點三款

小菜晚餐

米飯也有三款選擇

分別是

白飯 菜飯及燥肉飯

每款大約$50多至60多元

飲品是檸蜜紅茶

可加錢轉其他飲品

魚香茄子

比較特別

有炸肉塊

又冇汁

食物不過不失

就像茶餐廳

快手快腳

食飽走人

小廚開在屋邨

見多是小家庭

或二人結伴來幫襯

觀塘《裕民坊》

觀塘

裕民坊

重建計劃

進行好一段時間

住戶已經搬走

剩下有些商舗

和攤檔尚在營業

聽說限期

只有今明兩天

就要全部清場

我和朋友去轉了個圈

對面有部份

大廈已建造成形

我們沿著行人路

行了一個圈

其實有些店舖

已經搬走了

這一檔有小食

好久沒見過

一串串的牛雜

每人買了一串

站在街上食

$10一串

好好味

檔主見我們大讚

就話係最後兩日

好味都冇得食啦

又真的有點可惜

觀塘似乎

永遠都人流不絕

有舊唱碟

有年青人在替

這位型叔做訪問

訪問完

靚女起身走

 過左對面下午茶

出來見到

原來間當舖

仍在營業

這裏幾十年前

未有地鐵

已經好暢旺

當年觀塘還是工廠

現在工廠已經不存在

但人流仍是川流不息

八十年代

我曾在觀塘工作過幾年

亦參與過社區活動

留下過美好的回憶

裕民坊重建

亦象徵一個時代的結束

令人唏噓

金黃色椰菜花

放假先落雨

真係掃興

而且天氣忽然又轉涼

大家出門要留意天氣

以免變落湯雞

也要避免著涼

今次介紹

呢隻金黃色椰菜花

是在前院買嘅

食法跟椰菜花冇分別

其實只是顏色不同

加上雲耳蘑菇

一同炒

營養豐富

下午茶在和民

早前約了朋友仔

下午茶

遇著滂沱大雨

本已經定了位的茶廳

因只有下午茶

我們想食的又沒供應

於是冒著大雨

到其他地方搵食

觀塘真的好多食店

問左兩間酒樓

都只可坐到四點

即只有一小時時間

唯有找其他食店

最後選在《和民》

但其實

都好多嘢唔啱食

最後食下午茶餐

比較經濟

我的蜆肉烏冬配檸檬茶

好多蜆肉

湯底也算清甜

蜆肉不少

只吃到兩隻有沙

檸檬茶好飲

朋友仔則配熱情果果茶

另一朋友仔

食沙律配壽司

另點一份

芒果壽司

一起食

這一餐平均

每位$70元多少少

淡市時段

人少少好好坐

食物大致上不錯

但看餐牌

似乎不及以前

以前我最喜歡

食他們的燒墨魚

小店住家式晚餐

今天黃昏後

出球場做運動

跑了幾個圈

因家中兩位老闆

都不回家吃飯

我也懶得煮

周圍睇睇

有什麼好吃

行經小巷食街

見到一小食店

門外有人等候外賣

聽他們言談間

原來這裏點餐

要等很久

但他們又似乎

又很有耐性等候

望入去只見一位女士

在廚房內忙碌中

另有一位在店面

望入見店內有位

自己唔趕時間

於是決定一試

結果

等了半小時以上才有得吃

最奇怪店內客人

個個都非常有耐性

原來大家都是熟客

絕對捧場

蒸餸自然是即點即蒸

其他都是即叫即做

一雙手

自然要等

佩服這位女士

她雖然忙碌

但仍然氣定神閒

還會跟客人打招呼

有說有笑

大家睇下我食乜

涼瓜炒豬頸肉

材料還加了

幾片雲耳及菇類

白飯一碗

不夠還可以添飯

我呢個餐$48元

我居然全部消滅掉

還有紫菜湯

被我喝光光

我離開時

還有客人在等外賣

看來小店

都是做熟客生意

食物未必很突出

但很有住家餸的感覺

不過

要等咁耐

下次未必幫襯

吃飽飽

行一陣先回家

原來還有花燈

番薯年糕糖水

昨天元宵節

早上下大雨

中午放晴

不過

我位處地方

晚上密雲

看不見超級月亮

元宵節

華人傳統

煮湯圓吃

代表團團圓圓

今年我沒煮湯圓

煮了個平時

不會煮的湯水

因新春期間

還剩下不少年糕

煎糕食得多熱氣

反正都是糯米粉做

就當湯圓食

加埋番薯更好味

但煮時一定

要先將番薯煮腍

再放年糕

糖水也不要太甜

番薯年糕糖水

不知大家

雪櫃還有沒有年糕

又是否有興趣一試

吞拿魚拌通粉

今早一場黃雨後

怎知到中午

已經陽光普照

天氣真變幻莫測

吞拿魚拌通粉

是日前炒飯的變奏

皆因日前

開的罐頭吞拿魚

只吃了1/3

餘下要快快消滅掉

通粉煮腍隔去水份

番茄略煮

加吞拿魚兜勻

將通粉落鑊

加些少生抽

及茄汁調味

簡單快捷

而且幾好味

麵豉醬蒸滑豆腐

今日天氣大變

竟然下起滂沱大雨

出街真係好狼狽

今日介紹

又係一款

非常簡單經濟素菜

麵豉醬蒸豆腐

一盒滑豆腐

加好味麵豉醬

隔水蒸十分鐘

薑蓉蔥芫荽灒熱油

(全素者可走蔥)

再加適量生抽

淋上面便成

逛街去

昨天在家做家務

今天星期日

本來想在家休息

朋友來電約逛街

食下嘢

唔想太操勞

又唔想行商場

不如近近地

到《志蓮淨苑》逛逛

或可順便食齋

適逢假日

遊人比平時多

志蓮好奇怪

這健築很雅緻

卻不準遊人進入

行到這裏

例必拍照

其實我只來過兩次

水瀑也很多人拍照

其中不少是工人姐姐

入去看看

原來一點半先有位

要等差不多一小時

周圍逛逛再算

好多金鯉

亭台樓閣

遊人不得進入

可觀魚

可拍照

但不可餵魚

園內也不可進食

小女孩扭計要食嘢

唔準食喊曬

保安姨姨

即拿出圖片

向小妹妹講解

食物會引來蛇蟲鼠蟻

呢份工真係唔簡單😀

都係走啦

決定另行搵食

最後坐港鐵到太子

揀左呢間食點心

對面另一間好多人

相片是後來影

之前門口堆滿人

兩個人食得不多

點三款食物

已經食得好飽

呢個午餐好經濟

味道方面中規中矩

這類點心店

坐位比較窄

大家食飽就走

不能久坐

跟著去逛花墟

今日人流比想像中少

最後朋友買了盆紅掌

我則用$10買了

小小的紫羅蘭

早點回家休息

好快又要煮飯