自製醬汁伴秋葵雲耳

最近前院菜檔

開始有秋葵出售

非常鮮嫩

揀秋葵

一定要選比較細同軟身

才夠鮮嫩好吃

只用滾灼一會就可以

有人建議數十下便成

我都係喜歡熟一點

最少都要半分鐘

雲耳則另用滾灼至少一分鐘

香醋 陳醋 生抽 花生醬

做個醬汁

加入

已用滾油淋上的薑蓉蒜蓉

喜歡可加芫荽

拌均後淋上面

加紅甜椒粒可添色彩

也多添了一份營養

有機大蕉太熟

急急要吃掉

幸好去皮後

仍然好靚仔

不過

都要兩天才吃掉

搜尋一下資料

原來大蕉比香蕉

營養價值更高

大家喜歡吃哪一種？

我兩種都愛吃

甚少見本地種的香蕉

雖然好生

也買來試試

相信要等幾日先有得食

炒雜菜粒

每日煮飯前

都要諗諗煮乜餸

又要就家中材料

真係頭大

想起好久冇煮炒粒粒

剛好昨天買咗豆腐乾

又有菜甫

呢個做午餐飯盒都啱

其實個餸好易做

只係要用多小小時間切粒

材料

豆腐乾 西芹 洋蔥 蘑菇 菜甫 三色椒

通常我會先炒香洋蔥

然後落蘑菇

繼而西芹豆乾菜甫等

三色椒留到最後兜幾兜調味

調味料

除咗鹽還有糖生抽香醋

加小小水

喜歡可以用粟粉打個薄獻

我今次就咁炒到收汁冇打獻

素炒青豆蘑菇+合掌瓜雜豆湯

天氣熱
煮餸越簡單越好

青豆炒蘑菇

材料

青豆角

白蘑菇

啡蘑菇

菜甫

蒜蓉少許

(不吃蒜可用薑蓉)

將所有材料切粒

用油爆香蒜蓉

再下材料兜炒至熟

下鹽調味

可用少許生抽糖香醋

做個薄獻

提升味道

合掌瓜雜豆素湯

這個湯

營養豐富又好味

也是夏天好湯

材料

合掌瓜

紅蘿蔔

蜜棗

果皮

(可用薑代替)

雜豆

(花生 眉豆 紅豆 黑豆 薏米)

雜豆浸半小時

果皮浸軟去囊涷水下

(因熱水下可能令湯變苦)

滾水將所有材料

加入滾起轉細火煲兩小時

下小小幼鹽調味

素素晚餐

這個星期

比較外出多

少了自家煮

在前院買的有機蔬菜

一星期下來

還未吃得完

兒子不在家

真是少了食力

下面全是有機蔬菜

紅椒 芽菜 青瓜 雲耳  

加上榨菜

炒上一碟

尚算可口

合掌瓜粟米雜豆湯

缺了甘筍

味道好像欠了點點

在前院買菜

就係咁樣

只可有乜食乜

所以有時都要出街市買

健康有營炒什菜

炒什菜

上星期在前院買了棵西芹

加上家中雪櫃剩餘物資

炒了碟健康有營的什菜

有機西芹奀"枝枝"

材料

西芹、三色椒、洋蔥、雲耳

紅綠黃青黑白齊集

都算幾有營