我以前最愛吃雞
後因中醫囑咐
少吃雞為妙
近年已經少食
但最近
又開始心思思
興起吃雞之念
有人覺得只有活雞才好吃
我就沒所謂
加上西貢街市
已經沒檔口賣活雞
。。。
。。。
有天經過雞檔
跟相熟檔主
打個招呼
就用$15元買了一個雞殼
所謂殼者
只是去了雙翼雙腿
雞身還有好多肉
今次用左炆煮做呢個鎹
雞檔代為斬件
先將雞件用少許鹽醃10分鍾
用易潔鑊略煎
將煎出雞油倒去
再加薑片、冬菇絲、雲耳爆香
再將雞件回鑊
灒酒
煮約十分鐘
下調味料
熟便可上碟
上碟前可隨個人喜好
下芫荽蔥
真係快捷又經濟
。。。。。。。
另個介紹這個素菜
給大家參考
亦很簡單
材料有
青豆角、有機芽菜、榨菜
炒埋一碟便可
而家好少見有雞殼賣...見到碟雞真係好多肉喎!
回覆刪除我呢處街市有呀，其實真係重有好多肉.
刪除我都少了食肉, 而多了食素....! 第二碟最岩我呢...!!
回覆刪除我兩樣都會食下.
刪除水太太都好鍾意食雞，差唔多日日都有雞食﹗我都聽人講食太多雞唔係咁好... 不過食牛又話毒素多，真係冇咩選擇﹗
回覆刪除只要勿太偏食就可以，有時食野避無可避.
刪除我都好鍾意食雞，但而家的雞無以前咁好食！
回覆刪除可能養法唔同，所以冇以前咁好食.
刪除我都係無乜所謂,新鮮也好,雪藏也好。現在的活鶏,真係無以前咁好食!
回覆刪除可能養法唔同，所以冇以前咁好食.
刪除可能我唔多鍾意食白切雞(要食濃味一點的), 所以都無所謂新鮮唔新鮮...
回覆刪除你唔食白切雞，就真係活唔活雞都冇所謂.
刪除雞殼即係咩呀?即係有骨冇肉架?
回覆刪除你都見碟雞好多肉，我呢種雞殼只係除去雞翼同雞腳.
刪除有人講而家啲雞只養四十多天就賣，咁你就可想而知喇，都唔知用甚麼方法去催大佢？
回覆刪除但我一樣用食如儀，我家冰櫃隨時都放有四、五隻的……
我以前常吃，但現在都吃，不過食少左.
刪除我買雞殼來煲湯架。
回覆刪除我以前都係架，第一次用來咁食，原來都唔錯。
刪除個雞殼都幾厚肉咁喎.
回覆刪除係呀，都好多肉，個雞胸都響樹
刪除敦菇炆雞,好味呢,未婚時很愛媽媽這道菜式.
回覆刪除現在都可以整來食架，唔難喎
刪除我以為雞殼只可以煲湯
回覆刪除我呢個雞殼仍然好多肉架。
刪除吃嘉美雞「嘉美少爺雞」堪稱雞中極品. 出售時的雞齡只有90至100日,
回覆刪除雞肉嫩更滑, 味道沒有半點草腥, 最好的, 不含雌激素, 連老人家及小朋友都適合食用.
我呢區冇嘉美雞賣架。
刪除我食雞會唔食皮~~我唸唔好成日食係ok~但又唔駛完全唔食咁囉~!
回覆刪除我都唔食皮，以前我食好多雞架
刪除青豆角、有機芽菜、榨菜炒埋一碟都唔錯喎！
回覆刪除呢碟素菜OK架
刪除我呢邊雞殼係真係只有骨架咋，雞胸肉都切埋出嚟賣架。
回覆刪除咁同我地呢處真係唔同.
刪除我附近街市的雞殼,買二十蚊一隻,你買平D.EE你相片的字,點樣整落去.
回覆刪除佢呢日特別平賣俾我，平時要成廿幾蚊架，相片D字要另個係相薄度整架.
刪除我中意第二碟，因為我最愛炸菜:-D
回覆刪除呢碟o岩你，特別為你post架.
刪除我是雞迷! 不過現在盡量吃嘉美雞黃健雞音樂雞, 並同真的戒吃急凍雞翼, 一兩個月才吃一次. 我家不像你家, 若我只煮素, 碼頭會翻枱啊.
回覆刪除我其實都係雞迷來，但真係少食左，你家碼頭無肉不歡嘛，我老伴就冇乜所謂。
刪除E.E 妳好，從annice 處知，妳常鼓勵她，作為網中人，相互支持，都是一件美事‧謝謝‧
回覆刪除多謝久休生到訪，你也常常開解她呢.
刪除看來這雞殼甚多肉......抵買！
回覆刪除佢呢日特別平賣俾我，平時要成廿幾蚊架。
刪除我哋果邊買雞殼，真係得個殼，冇哂肉架!
回覆刪除係呀，我呢個雞殼重有好多肉.
刪除咁抵15蚊真係好抵，平過食豬肉
回覆刪除呢日佢係特別平俾我架，平時賣廿幾蚊,但都抵過食豬肉.
刪除冬菇雲耳炆雞好惹味,我有時都會加埋紅棗添~~
回覆刪除我屋企咁‧o岩冇紅棗.
刪除有菜有肉均衡飲食^^
回覆刪除係呀，我地冇偏食.
刪除我嗰邊都有雞殼買，不過，冇晒肉，用嚟煲湯就得。我鍾意碟素菜，因為有青豆角!
回覆刪除你原來鍾意食青豆角。
刪除有葷有素才食得均衡,,,肉類不妨少吃一點,,,對健康也有好大益處呢..
回覆刪除你說得對.
刪除我也愛吃雞,尤其是醉雞....
回覆刪除醉雞好味.
回覆刪除