豉油雞翼

 

雖然現在煮多咗肉食

但好似來來去去

唔係食豬就食雞

變化不大

而且比較懶

唔想煮得咁複雜

買一盒雞翼有十隻

全部已經切除雞翼尖

清洗乾淨

用少許油略煎

用生抽老抽糖

加適量水煮熟

加碟灼生菜

簡簡單單又一餐

十隻雞翼

食剩幾隻

翌日早餐每人食一隻

午餐時食丁丁麵

又每人食一隻

終於消滅曬十隻雞翼

今日下午開落雨

出到公園都做唔到運動

於是去行超市

買扎黃玫瑰

放在窗前

梅頭豬肉炒邊豆

間中會買邊豆食

我就覺得不錯

有時會炒蛋

今回用梅頭豬肉炒

加些洋蔥

炒時加一茶匙黃豆醬

懶人一碟過

有肉有蔬菜

真係慳水慳力

要懶就懶到底

下午茶

用麵包機做個鹹包

將材料放曬落機

兩小時後就有得食

今日食素

今日食素
日式咖哩煮南瓜番茄薯仔

還加了冬菇

日式咖哩偏甜

可以自己加辣

我則加了些少豆瓣醬

還有少許生抽

芽菜豆卜西蘭花素小炒

自己發的芽菜

比較細幼

但勝在新鮮

蕪菁雜豆素湯

腰果 黑豆 紅豆 綠豆 花生

粟米甘荀

一塊大薑

煲大約一個半小時

就算素湯

好甜好好味

鯖魚煮意粉

 

近月來

意粉已經差不多成了主食

中西式輪住上

這個懶人煮法

也是常用的

以前多會用沙甸魚

今回用另一隻罐頭魚

比沙甸魚貴

但比沙甸魚好味

最近都買了幾罐放在家

煮時再加些罐頭番茄

調味可加些生抽及糖

呢隻是鯖魚
原來罐頭都好好味

無無聊聊看公園剪草

洋蔥豬扒

洋蔥豬扒

香港茶餐廳食法

也是我在港經常點吃的

早前買的大嚿肉

今回第三味就做煎豬扒

好腍好好味

配上一碟

蝦米煮粉絲紹菜

加上豆卜姫松茸菇

簡簡單單又一餐

煙肉的配搭

 這裡的煙肉款式很多
有厚有薄有肥有瘦
圓形方形長形都有
今回買到比較厚的
除了做早餐

用來炒炒粉炒麵

這個早餐配搭也不錯

這碟煙肉蘑菇炒意粉
算是中西合壁

午餐最適合

煙肉炒西芹

可用於晚餐桌上

簡單地用蝦米滾番茄椰菜湯

原來味也不錯

這樣的配搭
不是同一天出現
所以大家不用擔心我吃到悶🤣

錦鹵雲吞？？

 大家可還記得

錦鹵雲吞呢款茶樓食物
近年好像少見咗
就算有都變了樣
我記得以前有大碟甜酸汁
入面有好多料
材料中還有蝦等

突然想起呢款懷舊食物
於是就利用家中有嘅材料
做個相近嘅汁

材料

雜錦海鮮 番茄 洋蔥 蘑菇 甜椒

再用覆盆子醬

加醋加糖加生抽做個汁

至於炸雲吞就用

yorkshire pudding代替

都算食得幾滿足

另再用隔夜飯

加粟米粒鷄蛋炒碟飯

簡簡單單的一餐

英國簡單美食

昨日趁著大家有空

一家一起去食個午餐

順便剪頭髮

那邊的餐廳

有幾間特別旺場

今次選的這一間

上次來就是太爆

我們去了另一間

今回兩點幾來到

就不用等位

店內坐位不多

但可坐戶外

坐下來就點餐

素雲吞好大份

有芝士所以我沒試

雞扒意粉

太大份

最後食不完

照例來個全日早餐

有兩片多士

未級拍照已不見了一半

咖啡有拉花都幾靚

加埋多士及茄汁豆

真係超大份

三份食+兩杯茶+咖啡

盛惠 £27.50

食物質素也不錯

有機會也會再來

雲耳鹿茸菇蒸雞

 一盒雞食到第三餐
今回聽網友意見
一於蒸雞
可惜冇金針
而又忘了浸冬菇
最後只用雲耳加鹿茸菇蒸
醃料不外是薑蓉酒鹽豉油糖生粉
講真英國養啲雞
的確冇乜雞味
但比起從前已經進步好多

煮時調味可以重手些少

係可以接受

行商場

 今天坐巴士出街
遇著學生放學
巴士非常擠迫

行車將近一小時

巴士到達總站

亦到達一個商場外面

見附近有個遊樂場

又影張相先

雖然在附近

但都不知如何行過去

第一次行呢類商場

都有些像香港商場

大部分都是連鎖店

除了超級市場

最多人流相信是此店

大家應該認得

底調得找不店名

在超市買了些生果

就坐車離開

交通都相當繁忙

覆盆子果醬雞塊

一盒雞脾肉

一餐吃不完

今回又換換口味

做個像咕嚕肉味道的雞塊

我不大想炸用太多油

那就將醃好的雞肉

用半煎炸方法煎熟

再用覆盆子醬做個甜酸汁

覆盆子是我從超市買來的急凍果

想不到怎麼吃法

就做了果醬

現在用來做甜酸汁

原來也夾味

可惜沒有買青椒

只用了紅色橙色甜椒

顏色是比較單調一點

香煎鯖魚柳

 急凍鯖魚柳在香港吃得多
真正平靚正
終於在這裡給我買到了

依然用簡單的方法

解凍後抹上幼鹽醃一會

煎香不用調味

已經好吃

£10有三包

每包有四條魚柳

也不算貴

以後也可以常吃

最近我也買了紅色劍蘭

£2一扎有五支

非常新鮮開得好燦爛

一隻常出現在窗前的大貓

樣子非常威猛

不過看牠行走的步伐

感覺到應該是老人家了

焗雞扒兼超市行情

我家附近有兩家大型超市

較近的只需行十二三分鐘

遠一點的要行二十多分鐘

我近的常去，遠的也不時過去幫襯的

這個週末就步行過去

買多點蔬菜放在家

因為星期一女皇出殯日

很多店舖都關門休息

長長的路

經過很多屋

看見美美的花朵

不忘停下來拍張照片

這花從網上查到

是天竺葵

顏色型狀也很漂亮

這堆小花

名字是香雪球

在超市買了盒雞腿肉
2.35英鎊1kg
先用焗爐焗幾件雞扒來吃

剩下的再可多食兩餐
就要想個別的煮法

豬肩肉焗叉燒

 經常在超市

見到呢款豬肩肉

但因為太大嚿冇買過

今回忍唔住買番件

£5.03重1528克

可以食幾餐

切開四件
首先第一款
炸菜蒸豬肉

跟著用醃料醃好另一份

放一晚後

焗叉燒

呢個豬肩肉原來好啱整叉燒

唔太瘦又唔會太肥

而且好腍

以後做叉燒可以用呢隻肉

素食粉絲

 買了兩大包粉絲存貨
但甚少煮來吃
粉絲多吃難消化
而且是綠豆都較寒涼
現在似乎流行吃韓國粉絲
其實是兩種食法
而且製造材料也不一樣

韓國粉絲用薯粉做

所以不應混為一談

我做的素粉絲

配料也很豐富

菜甫 甜椒 蘑菇 粟米粒

爆香蒜蓉炒配料

然後用鹽生抽老抽糖做個

再粉絲下去不停攪拌

煮到透明便熟

大家買粉絲

就算是龍口粉絲

也要看清楚成份

有些不是純是綠豆

還加了豌豆

加了豌豆的粉絲

煮起來會易碎

而且會太腍

宅男做的咖哩炒意粉

今回不煮飯

煮個南瓜甘荀番茄紫菜湯

黃昏遊倫敦《SOHO》

星期日出鬧市行街

算是熟口熟面的地方

每次到那頭

都會去一去麥記

除了食包外

有時是找洗手間😅

麥記就近蘇豪區(SOHO)

今次食完包包餐

就決定入去兜個圈

已經是七時多

天還未黑

我們坐地鐵出去

地鐵出口超多人

蘇豪區的酒吧

開始熱鬧起來

廣告牌也轉了英女皇頭像

公告女皇逝世向消息

你有建築物下半旗

經過一呢條街定要影番張

天上的雲很美

人頭湧湧

在麥記開餐

兩人三個餐

今回終於有飲品

吃得飽飽的

還有薯條吃不完

跟著行入SOHO

這一排店都是酒吧

幾間都掛上彩虹旗

大家應該猜到是什麼一回事

經過這裡

有酒客跟我們打招呼

除了酒吧門外

街上不算多人

這間商店

想來應該入去見識下

可惜臉皮薄

不敢入呀

酒吧門口站滿酒客

這間是雪糕店

很旺場

行了一回

趁著天未黑就走了

怕入黑會遇上醉酒客