在街市魚檔
買了一份斑頭斑尾
另買個涼瓜
加豆卜一起炆
炆出一大碟
兩個人的午餐
吃得幾滿足
我會先將斑塊
用豉油糖略醃
涼瓜用鹽"嗱嗱"沖水
也可以拖拖水
斑塊略煎
另再用蒜蓉豆豉起鑊
將涼瓜略兜
斑塊回鑊加蔥加豆卜
煮到魚熟便可
另一份午餐
就更簡單
用即食豬骨湯
加番茄韭菜做湯底
煮乾烏冬
每人加兩條脆皮腸
呢款是急凍水餃
我的一人早晨
是超市自家牌子
白菜或韭菜豬肉餃
暫時覺得還不錯
週末BBQ
今天到訪朋友新居 也順便探下貓婆婆 牠似乎很愛曬太陽 選擇陽光照射角落躺下 優哉悠哉 英國在夏天才會BBQ 天氣不錯 很適合燒烤 但其實不用自己燒 我們也只在室內進食 食物種類也不少 燒腩肉特別好味 素炒韓國粉絲 還有甜品 完完滿滿的一餐
-
懶懶地 又做個炒飯 我家甚少剩飯 所以用新鮮飯炒 冰箱剩下半包雜錦海鮮 我用小唐菜煮個菜飯 加急凍海鮮及蛋炒 冰箱有紅豆餡未用完 又做幾個紅豆包 通常我將包包完成發酵程序 放入雪櫃 早上拿出來回溫再焗 早餐下午茶都有著落 -
五月九日 出了倫敦以外的城市玩了幾日 今天才回家 我們選擇坐火車前往 從 [維多利亞] ( Victoria)火車站出發 這火車很長 有12卡之多 我們買了較便宜的車票 所以要在中途轉車 目的地 Brighton 本約一小時的車程 我們用多約半小時 就到達目的地 Brighto... -
今天 是這邊的公眾假期 可惜天氣欠佳 幾乎整天都下著雨 沒心情外出 於是在家做阿茂 整餅又整包 晚上做咸包 明天做早餐 一半包芝士餡 一半咸餐包 最喜歡見到 包包那一絲絲的質地 椰絲酥餅 送給本地朋友 為怕觸及食物禁忌 寫上所用食材 -
Brighton 是英格蘭 東南部一個海濱城鎮 也是一個很熱閙的地方 充滿渡假氣氛 這條小巷 有點像香港赤柱的購物街 我們行去海邊 天空下有一抹藍 那便是海洋 行了不少大街小巷 -
週末在倫敦鬧市 有個香港朋友的聚會 聚會上只吃了些少茶點 散會後 到街上找地方食點東西 周街都是人潮 食店也擠滿人 路過一間中式食店 見比較清靜 入內每人點了個兩餸飯 餸都有肉有菜任選 也可選飯或是麵 我揀麵 酸甜排骨和麻婆豆腐 不難食的 但汁太濃 不合我口味 原先入這間酒吧 ... -
有朋友 送了些花旗參給我 放了很久 是時候清一清貨 通常花旗參 會煲瘦肉或雞 只不過食素就不宜了 我用粟米紅棗煲 煲出來的湯水 甘甘甜甜 花旗參偏寒涼 加幾粒紅棗 也可中和一下 今餐除了 花旗參湯水 洋蔥蘑菇炒蛋 甜酸齋 雲耳炒脆肉瓜 簡簡單單的一餐
我到而家仲未食到涼瓜
回覆刪除唔食唔緊要，可以食其他瓜類。
刪除豆豉同魚和苦瓜真是好朋友，放埋一齊煮好餸飯 。
回覆刪除係呀！佢哋好夾。
刪除我鍾意碟魚，我鍾意食炆魚。
回覆刪除我都幾喜歡食炆魚。
刪除好味有營養.
回覆刪除魚係幾有營養架
刪除我宜家都係家食早餐多.
回覆刪除呢年幾我大部分時間都在家食早餐
刪除家下得我同個女午餐~好多時煮粉麵~冇心機煮餸~哈~!
回覆刪除我都好多時食粉麵。
刪除涼瓜炆斑頭腩，正呀！咁大碟兩個人食，太豐富了。
回覆刪除其實都真係幾大碟。
刪除我喜歡個炆魚, 好味😊
回覆刪除我都喜歡😘
刪除我細個唔食涼瓜, 大個佐就鍾意食! 🥒
回覆刪除種植苦瓜 https://youtu.be/yB7m7LWbmQU
我估好多人都好似你咁
刪除有時出街食都會叫班腩煲 (真的、假的都叫過)，涼瓜炆班頭班尾，正呀。
回覆刪除我出街都有食過，自家煮就真材實料
刪除碟魚我中意呀, 涼瓜加豆豉真係好夾好好食呀!
回覆刪除原來你都喜歡食涼瓜。
刪除涼瓜斑腩好正，好想食
回覆刪除呢個我自己却好喜歡
刪除