肉片炒莧茉莖

呢個菜係

食得唔好晒之作

話說買左一扎莧菜

非常嫩綠

佢莖部非常長

可惜冇影相

切出來重量同菜相等

若果淨食菜好晒

要十六蚊一斤架

貴到好得人驚

因此用來

另外再做一碟菜

材料有三色椒、洋蔥、肉片

肉片用左豬展

咁又做出另一款

味道不錯菜式

大家不妨一試

素豆腐蓉

照片是早幾天

在西貢拍攝

這種大餅罐

己經好久不見

有點懷舊味道

我即時幫襯買左包麥餅乾

好脆口

明天是週末

今天還是上班日

返到家有乜煮乜

用左以上材料

切粒粒--(切得越細越好)

做左以下o既

大小朋友都o岩食

素豆腐蓉

加碟青菜

清清地又一餐

呢兩日中午在外用餐

多肉少菜

所以晚飯唔再煮肉食

啟德郵輪碼頭

九月廿一日  星期六

打風前夕

天氣又熱又曬

適值啟德郵輪碼頭

開放兩天

讓市民大眾參觀

我和老伴一於唔執輸

去八卦一番

等侯入境大堂

早上參觀人士

不算擠擁

原來開放日

有旅行社在此

設置攤位

宣傳郵輪旅遊

侯船室

碼頭上蓋

有個空中花園

可以望到港島及九龍半島

考考大家眼力

睇睇你地認得多少地方

參觀完可坐穿梭巴離開

其實整個碼頭

尚未完工

當碼頭正式完工

空中花園

會開放作公眾休憩用地

三文魚炒飯+雙番湯

三文魚炒飯+雙番湯

打風日子

從冰箱摷出一包

三文魚骨

將魚骨解凍

略煎拆肉

用來炒飯

炒飯材料

蘑菇適量、雞蛋兩隻

可加蔥粒更香口

我家剛巧沒蔥

加上芫荽也不錯

餘下骨架

用適量水煲約十五分鍾

隔去魚骨後

加入番茄、番薯煮腍便可

(番薯切粒容易煮腍)

不愛吃番薯

用馬鈴薯一樣好味

三文魚、番薯、番茄

都是健康食物

而三文魚骨

十多廿元便有一大包

價廉物美

值得推介

下午茶在九龍城

昨天九月廿日
是追月公眾假期

我怕人多

假期無約會

習慣唔喜歡出街

昨天突然好想出去Tea一Tea

為左避開西貢墟人潮

同老伴兩人

傻更更開車出九龍城嘆下午茶

。。。

九龍城都好熱鬧呀

非常多車

好彩兜左一個圈就搵到位泊車

。。。

呢處係我來九龍城上興趣班

上課前吃早餐的地方

我以前都有介紹過

外面鬧哄哄

入面倒清靜

老伴點左

黑椒雜菌炒公仔麵 $30蚊

賣相不俗

材料還有洋蔥、紅、青燈籠椒

我點左

豬扒蛋湯米 $28蚊

豬扒唔會乾"曾曾"‧

還有兩片生菜

都唔錯

呢間店我喜歡佢價錢合理

比一般茶餐廳"企理"

早餐同下午茶時段又容易搵位

大家若果去開九龍城行街

想歇下腳時

不妨入去嘆個下午茶

昨日下午時段

天氣非常酷熱

出到街上

都冇心情行街買野

行左兩個街口

就急忙上車返歸

蝦乾小木耳炒青瓜

祝各位中秋節快樂！

在街市買左本地青瓜

菜販說道可生食

我試過涼拌也很清甜爽口

今次不再涼拌

攪攪新意思

呢隻野生小木耳

相片中係浸發之前之後對照

再加蝦乾炒

調味料

適量鹽、香醋、‧糖

若果愛吃辣可加紅辣椒

吃素者可減去蝦乾

我覺得真係唔錯

好清新開胃

海鮮之黑立倉

經過魚檔

見有幾位女士

圍觀看老闆在處理一條大魚

埋去八卦一番

原來幾位女士預傋買魚

交俾食店蒸來享用

呢條黑倉非常肥美

並非常有

幾位女士之前吃過

讚不絕口

我一於唔執輸
用$70元

買了四份之一

因為好大條

雖然只係四份之一

都要分兩餐食

切塊用豉汁蒸

翌日

另→半則用冬菜蒸

真係冇買錯

肉質肥美

又滑又鮮甜

正呀

茶聚在大埔三門仔

星期六(9月14日)

blog友相約到大埔三門仔飲茶

為九月之星

靚女(即自稱婆婆個位)

慶祝生日

blog友要玩驚喜

所以分批到達

原來有位神祕嘉賓

遠從美國歸來

大家見面

當然很開心

開始食食食啦

大家睇到嘛

有鮑魚食呀

六個人食左好多

還有碟炒麵

忘記拍照

行出食店

望到八仙嶺

想當年

EE行完八個峰

腳趾起水泡

現在見到都怕怕

遙望

李生起的廟宇

白色的觀音非常奪目

食店外貌

其實呢個並非正門

食店環境不錯

坐位也很寬敞

本來靚女生日

今餐諗住羅漢請觀音

點知發起人

非常客氣要請客

真係好多謝好多謝