二人晚餐

午餐肉罐頭是贈品

一罐分多次食用

攪攪新意思

將餐肉切粒

加蘑菇雲耳

切片一起炒

減少罪惡感

加一個番茄腐竹湯

二人晚餐

簡單快捷

最啱我呢個懶人

最近買來的有機番茄

發現了個

樣子有趣的

我叫它作

異形番茄

菠蘿包

最近多了做包

不過

都是做小方包

又做下法包

見很久沒做菠蘿包

做幾個來吃

配杯咖啡也不錯

這個包因之前買不到

其他高筋麵粉

用咗本地貨

李祥和

第一次用

覺得冇乜特別

只是價錢比用開貴小小

今回用的蛋

蛋黃太淺

做出來包面也比較淡色

家中的長春藤

生長茂密

綠綠的很養眼

出外午餐

今日因事要出旺角

先到鑽石山荷里活廣場

食個午餐

經過這間舗

見店內地方幾"企理"

而且坐全部有間隔

又有午市套餐

看到價錢不太貴

外賣還有八五折

入店前先探一探熱

點了兩份套餐

有湯及飲品

可選汽水或綠茶

豬手飯有半隻蛋

而且餸也不少

味道不錯

另一份海南雞飯

雞算不少

雞肉也滑滑的

有青瓜在底

兩個套餐

計埋加一$150元

我覺得都唔貴

又坐得幾舒服

出開旺角

順便到烘焙店

買麵包粉牛油

真係好多人

幸而有貨

買完即走

麵醬煮四季豆

雖然最近多了煮肉

但晚餐仍以素為主

食素人士要均衡營養

豆類不可缺

玉豆即四季豆

也是不錯的選擇

特別中午自挽飯盒

今回用香港

老牌字號的麵醬

只有鹹味無甜品

可以不同鹽調味

但就要用小小糖吊味

為免太簡單

還加蘑菇洋蔥黃椒

(只因雪櫃只剩黃椒)

這樣一來就豐富很多

也是素食

不錯的選擇

今日下午出墟

想不到

非繁忙時段都塞車

而且馬路邊泊滿車

所以說市面蕭條

其實也不是絶對

枝竹炆齋菜

常做齋菜

習慣用紹菜南乳做

今回不用南乳
因應家中已有材料

做個齋

材料有

圓枝竹 冬菇 竹笙

 雲耳 豆卜 金針菇

兩大片薑

炇這個齋

要留意時間

有些枝竹好易溶

我呢隻圓枝竹就不易溶

但都快腍

大家若果想枝竹不易溶

可先下鹽一起炆

咁就冇咁易溶
最後加豉油糖調味
雖然是齋
味道也不錯

蒸咸雞

雞很多食法

炆蒸燉煮焗

近年更興起辣雞煲

我個人都係

最喜歡食白切雞或咸雞

原汁原味

有朋友只喜歡食新鮮雞

我就冇乜所謂

靚冰鮮雞都一樣好味

呢隻在超市冰鮮雞

買番來洗淨用鹽醃好

過一晚下午蒸來食

細細隻

味道唔錯

只係肉質比較"削"

一隻雞

二人吃不完

剩下第二日中午

用來煮米粉

蓮藕兩食

蓮藕素湯

材料

蓮藕 紅蘿蔔 花豆

 眉豆 粟米 陳皮

煲完湯

攞起蓮藕

加冬菇用南乳炆

變成另一個餸

慳水慳力

焗黑椒豬扒

未試過焗豬扒

其實想扮焗叉燒

但又冇叉燒醬

試下加咗小小茄汁醃

呢個急凍梅頭豬扒好腍

當然最後都只係豬扒

無法變叉燒😅

醃料

酒生抽糖薑蓉蒜蓉

茄汁黑椒粉粟粉

最後加小小油

用焗爐高溫焗

入爐前要隔去汁液

我呢個比較薄

焗約十五分鐘便成

各人爐火不同

要睇火

我呢個因為比較薄身

唔可以焗得唔太乾身

否則變食柴皮

同煎差不多

姬松茸枝竹素湯

昨天還很熱

今天下起雨來

天氣明顯轉涼

這個天真變幻無常

一切活動

又要靜止多十四天

希望不會再多十四天

今次介紹

這個素湯

非常清香

早前用冬菇煲過

今回因為忘了浸冬菇

臨時用了姬松茸菇

味道非常夾

材料

姬松茸菇 枝竹 髮菜

生花 眉豆 腰果

果皮 蜜棗

寒底的可加大片薑

髮菜是很久以前

別人送的

因應環保

我已經

廿多年冇買髮菜

大家若是

家中沒有

可以不用

植物篇

無意中
發現舊村的茘枝樹
已經長出茘枝
還未成熟呢

附近的大樹菠蘿

長滿菠蘿

長得好多

據說不能吃

可能是營養不良

生長在水渠的樹

已經斬過一次

很快又長大了

好粗生

旁邊另長出樹苗

好有機會長出另一棵樹

下午茶時間

真係甚少出街

除了要買食糧

在家其實有時也不想多動

但有時心思思想吃點東西

有時起得很晚

不做早餐

直接煮午餐

到下午時段

就吃過下午茶

花生醬飛碟

可可榛子曲奇

配豆漿咖啡

芝麻卷包

好多網友自製布口罩

我也湊熱鬧做了兩個

不過

用手縫

真是欠點耐性

完成了兩個之後

就沒有動力再做

假期各款素食午餐

最近放假

宅男更加整天宅在家

喜歡攪攪震

午餐大部分都是他主理

這一款是素Pizza

另一款是calzone

其實似唔似呢

南瓜汁素意粉

昨天週末的薯仔沙律

配呢個番茄扭紋粉

今天中午

我做的菜乾咸蛋粥

配自製素餃子

以上各款

有冇邊款啱你

清煮南瓜

南瓜現代人

推為健康食品

在我輩長大年代

是窮人恩物
當時最常煮法
是用蒜頭豆豉煮
冶味送飯吃最適合

我好像之前在此提過

現在南瓜品種繁多

當中也有平有貴

南瓜也可成為百搭食材

咸甜皆宜

是日因家中物資短缺

未及補購

想起還有半個南瓜

於是就簡簡單單煮

那又多一碟餸可吃

家中種的蘭花

終於有一盤開花了

購物日之早餐

已經好久

冇出街進食

今天早上因有事辦

在新蒲崗食早餐

兩份早餐

另加錢加碗通粉

共$62元

都算抵食

坐得好疏落

入店前要探熱

辦完事後

往九龍城入糧

已經幾個月

冇到九龍城

買的東西都有目標

發覺麵粉

真是有些短缺

就算意粉也比較搶手

原來香港咁多人

自己做麵包蛋糕

午餐炒粉麵

早前
假日午餐
炒粉炒麵
呢隻米粉
一浸已經"碎濕濕"
雖然係咁
但食起來又幾滑
有好多朋友
都覺得炒米粉好難
其實都好簡單
我自己方法
就炒咗餸先
同時餸有調好味嘅汁
然後放米粉落去兜炒
再試味
再加味

薑蔥炒麵

就用油爆香薑蔥

再下麵兜炒

用豉油糖調味

又係簡簡單單

用咸蛋煲粥

出現雙黃咸蛋

甚少見

下午茶時間

焗薯條

呢個係宅男廚房出品

韭黃炒蛋

韭黃是
韭菜的親兄弟
一個在陽光下生長
一個在黑暗中長大
陽光下長大的是綠色
韭菜用黑布蓋著種
就變成黃色

大家喜歡綠定黃呢
韭菜味較濃烈
營養也較高
但韭黃作小炒較爽口

我自己也喜歡
用韭黃炒蛋

煎腐片

大家就不是素食者
大概都食過素鴨素鵝
其實都是將腐皮捲起煎香
我這個也用腐皮做的
沒有餡料
煎香兩面
可以沾醋吃

我用這種

買來的腐皮碎做

這種腐皮碎

也是豆品店

做其他產品時

裁出來的邊

可以用來煲腐竹糖水

好易溶化

雖然是碎

但都好大塊

將腐皮放在熟水 

濕水後捲起

再放落經調味的水

兩面浸一浸

再煎香兩面便成

南瓜姫松茸素湯

南瓜🎃有很多品種
也有很多不同食法
我個人比較
喜歡本地南瓜
價廉物美
比較清甜
做甜品或煲湯也適合
今次因為臨急臨忙
想飲湯
並無預備
適逢家中有個南瓜
於是就用姫松茸菇+腰果
煲咗呢個湯
南瓜易溶
唯有先將
姬松茸松腰果煲半小時
然後再下南瓜
煲腍便可
碗湯真係好清
全部湯渣都可吃
但不可忘記加
片大薑一起煲

以下材料

南瓜可切大塊啲

腰果清洗下便可

姬松菇浸一會

不要超過十分鐘

清洗乾淨便可

黑豆渣餅

做豆漿

剩下的豆渣

如何處理

掉了似乎太浪費

我用了些少麵粉

加鹽調味

蒸了廿分鐘

為何要蒸

因黑豆生食不易消化

蒸熟容易處理

將其做成圓餅

煎到兩面金黃

做個酸甜獻

或是素蠔油獻也可以

煎之前沾上蛋漿粟粉

第二款可用來煎蛋餅

健康又好味