用兩磅幾
買盒有骨雞扒肉
買盒有骨雞扒肉
又可以食幾餐
我去骨後做成
我去骨後做成
這一款炒雞柳
因突然想食點開胃餸
見家中有未熟奇異果
於是做了這款
奇異果炒雞柳
加些少香醋茄醬做汁
原來都幾夾喎
未熟透奇異果
用來配肉唔錯
蒜頭甘荀油鹽水浸菠菜葉
兩人餐
簡單清淡便好
-
週末在倫敦鬧市 有個香港朋友的聚會 聚會上只吃了些少茶點 散會後 到街上找地方食點東西 周街都是人潮 食店也擠滿人 路過一間中式食店 見比較清靜 入內每人點了個兩餸飯 餸都有肉有菜任選 也可選飯或是麵 我揀麵 酸甜排骨和麻婆豆腐 不難食的 但汁太濃 不合我口味 原先入這間酒吧 ... -
又買到雞全翼 今回都是 將全翼分三部分 雞翼尖儲起來 雞中翼及上小蹆 用醃料醃起 先吃雞中腿 簡單用香煎薑蔥煮熟 雞中翼真係點整都好食 另加一碟蘑菇炒邊豆 邊豆是急凍食品 買一包放在冰箱 可以食好多餐 呢排英國天氣變化好 乍暖還寒 又雨又落雹 轉眼又天晴 趁天晴即出外購糧 商場... -
這一天 懶懶地 煮個碟頭飯 買來一盒雞腿 早一晚醃好放在雪櫃 翌日用氣炸鍋焗熟 用蔬菜粒煮個汁 放點青瓜車厘茄 一人一碟 簡單又吃得飽飽 天氣好又出外購物 每次去都買不少 一日三餐都靠佢😅 回程時 天色好似差左啲 一道綠色的牆 這貓貓樣子好特別 眼神有些幽怨 -
今回 無意中買到雞中翼 是日因事要出外 我們習慣晩睡遲起 所以早餐和午餐一起食 簡單的用氣炸鍋焗雞翼 煎蛋及蘑菇甜椒 還有焗薯仔 一份三文治加咖啡 食飽便要匆匆出門 很快便辦完正事 坐車往較遠的大型超市 生果蔬菜甚多選擇 行超市自然有不少收穫 即時就坐車回家 -
今天 是這邊的公眾假期 可惜天氣欠佳 幾乎整天都下著雨 沒心情外出 於是在家做阿茂 整餅又整包 晚上做咸包 明天做早餐 一半包芝士餡 一半咸餐包 最喜歡見到 包包那一絲絲的質地 椰絲酥餅 送給本地朋友 為怕觸及食物禁忌 寫上所用食材
生果配肉夠清新.
回覆刪除清清地食得開胃。
刪除果邊都有菠菜食，貴嗎，我都好喜歡食佢呀！😋
回覆刪除呢隻係本地菠菜，有啲貴㗎，但有其他平啲嘅菜，樣樣食來平衡下。
刪除有骨雞扒應該好吃，我最怕雞胸肉。
回覆刪除其實等於雞髀肉,只係冇咗雞腿部分。
刪除好煮意👍
回覆刪除謝謝🙏
刪除我都鐘意食菠菜
回覆刪除菠菜好吃呀！
刪除奇異果效果和菠蘿的效果似唔似？
回覆刪除唔似，菠蘿濃味啲。
刪除奇異果炒雞柳?未試過！
回覆刪除又幾夾喎
刪除