鴛鴦腸煮蘿蔔

做蘿蔔糕

差不多離不開臘味

相信臘味煮蘿蔔都夾

天氣凍食臘味

又係最啱

雪櫃還有少少臘腸存貨

鴛鴦腸煮蘿蔔

食落都唔錯

 

這兩天真係好凍

又整日下雨

有淒風苦雨之感

令人鬱悶

不如搓下包做下午茶 

 

食得豐富小小

用腸仔煎蛋夾豬仔包

 

 

豉油雞翼

 我好久無整雞翼

見食得多豬

就買包雞翼煮下

$30元一包

可以食兩餐

 

我比較懶

於是簡單煮鼓油雞翼

先將雞翼解凍

用鹽水浸幾分鐘

洗去血水

用酒薑蒜蓉鹽醃半小時以上

然後將雞翼略煎夾起

清洗鑊後落甘荀雞翼

加豉油糖少許水

煮熟便可上碟

這做法我個人認為較健康

亦都比較簡單

不過雞翼真的好多煮法

正是各施各法

點煮都好食

 

 

 

金針菇三色椒炒肉片

 我比較少買金針菇

最近見到

美國及英國的網友講及

當地金針菇好貴

反正現在菜價高企

金針菇雖然都係貴咗

但比起英美還是較便宜

在超市用10元買咗一包

三色椒都貴了很多

但都要食架

而且菜檔都賣得八八九九

 

半包金針菇

適量三色椒

兩塊薄豬扒

就炒成這個餸

以色彩取勝

 

 再煮個粟米忌廉湯

加些少南瓜

 呢個湯簡單又好味

 

 

 

 

豆腐素湯

 我今天仍未出外買餸

不知菜價如何呢

雪櫃還有半斤菜芯

不過呢餐唔食菜

食得煎糕多

滾個清清地湯

用豆腐及紫菜加些少芫荽

可以坐火

南瓜太又有甜味

雖是素湯

但仍然好清甜 

 

洋蔥豬扒

也是我喜愛又簡單的芋菜式

這樣簡單的晚餐

就好適合我的風格😅

 

抗疫在家的晚餐

 今天全日宅在家

無所事事

唯一工作是煮飯

早午晚餐都自家煮

早上求其go go go 就算

中午蝦子麵

晚餐就煮多少少啦

清清地煮個齋

齋這樣餸菜

大家喜歡用乜材料就用乜

我個人就好簡單

盡量用家中已有食材

 

 

雪櫃有臘腸

又做個有味飯

簡單又好味

 

 

簡單的一餐

 食咗幾日新年餐

人日唔再食雞

簡簡單單煮

昨天匆忙買了些少蔬菜回家

相信也可吃三幾天

黑麵醬蒸黃立鯧

魚也是急凍魚 

我覺得都不太差

 

韭菜番茄煎蛋湯

清清地

昨天買的韭菜$3一札

都唔少

韭菜味很香

這一餐很廉宜

幸好老伴也很享受

我們都是很易滿足

最重要大家健健康康

 

 

在此也祝福大家健康快樂

 

 

 

顏色鮮明的彩椒

 色香味俱全

是對美食的高要求

當然我的三腳貓功

是達不到這要求

但都喜鮮色食物

彩椒就是我常用的食材

就算味道不那麼好

但色彩也吸引

彩椒配搭多元化

今回簡簡單單的炒肉片

色彩真夠鮮明呢

 

大年初一家庭聚

 各位新春愉快

 

大年初一

照例家庭聚會

我也煮些例牌菜

冬菇魚雞燒肉必備

也没什麼新意

最重要大家聚聚

 魚最後上

還有一碟生菜

開開心心的新年聚

 

 

香煎金沙骨

 超市買的冰鮮金沙骨

非常腍滑

肉味也香

簡單的用豉油糖薑蒜略醃 

煎香加點水煮熟收汁便可

但由於肉厚

煮時都需要點耐性

近來少了煮素食

素食最愛用它來炒彩椒

是一款健康素菜
 

我愛骨膠原

 很久無整糖醋豬手

今回整一大碟

其實骨多個肉

兩人一餐已經消滅曬

自我感覺良好

吸收咗好多骨膠原 😆

 加一碟瀨尿蝦乾

啲蝦乾好似食極都食唔完咁

 

姬松茸鹿茸菇煲雞

 

用廿元買一隻雞殼

煲個老火湯

姬松茸鹿茸菇煲雞

其他材料

黑豆眉豆紅蘿蔔

加片果皮

個湯好清甜

又不肥膩

雞殼要拖水

煲出來就不會太多油

 

 

 

我的日常自家煮

 我的日常自家煮

 用食剩嘅雞同燒肉

煮紹菜及蘿蔔豆卜

一碟過

材料豐富 

味道都唔錯

 

呢條唔知係乜魚

$30魚尾

份量唔少

肉質較實有魚味

我加上瀨尿蝦乾蒸

又幾好喎

 

$50元海臘

雖然係瞓咗覺嘅

蒸熟魚鰭竪起 

証明仍然好新鮮

海臘肉質特別鮮甜

在魚檔順便買些臘仔

滾個番茄紫菜湯

呢餐海魚餐

蒜蓉豆豉炒鱔片

 早前打邊爐

剩下了的鱔片

用蒜蓉豆豉炒

加上四色彩椒

想不到效果不錯 

很久無買鱔食

原來現在的白鱔

要百幾元一斤

不過

大家要食鱔

不要貪便宜

因為平價一定不好吃

呢隻鱔雖然比較貴

好爽口

用蒜頭豆豉炒很惹味

加四色椒感覺豐富點

另煮一個滾湯

紫菜甘荀豆卜蛋花湯

亦是簡單二人晚餐

 

又是日常晚餐

日常晚餐

 排骨炆甘荀

先將排骨用調味料醃

用易潔鑊略煎夾起

爆香洋蔥番茄甘荀

排骨回鑊一起炆

最後用少許鹽糖生抽調味

加碟蒜蓉炒西蘭花

簡單的二人晚餐

 

並非每日都煲湯

但香港人對老火湯

情有獨鍾 

每星期最少煲一次

木瓜雪耳素湯 

材料

木瓜 雪耳 花生眉豆  

黑豆 紅棗 果皮

另外加碟

臘腸炒椰菜

又是簡單二人餐

 

日常自家煮

最近天氣涼涼地

雪櫃冰箱剩有些牛尾

用來煲個番茄薯仔湯

材料還有椰菜甘荀

有餸有湯

也是不錯的

,

 上次一隻燒雞

烤焗需時太長

今回做半隻就好

用些蔬菜墊底

有肉又有菜

慳水又慳力

 

 火腿洋蔥炒蛋

剩下一條茄子

加上一起炒

不過就先煎熟茄子

賣相欠佳

但也算不錯

.

 

 這個南瓜粟米湯

味道雖好

做得太"杰" 

有大大的進步空間

.

 

 朋友自家製的糯米酒

用來做個蛋花湯 

食完暖笠笠

 

 

 

西班牙有機豬扒

 

用現金贈券

在citysuper買咗三款肉食

最後介紹是這件

有機西班牙豬扒

是較厚的切法

 

 簡簡單單

用調味料醃下

因為是厚扒

比較難熟

用煎又焗方式

最後切開一小塊

再加番茄再個汁

肉質方面都是較結實

不靭亦唔會好腍

也有肉香

但就冇乜特別

 

 再加一碟素菜

簡單的晚餐

citysuper賣的肉食

價格大部分都比較高

但服務也比較好

包裝時都會問

需不需要冰塊

做得非常妥當

 

 

 

 

 

 

西班牙火腿

 

用現金贈券

在citysuper買的西牙班火腿

一大塊要百多元

也不便宜

但又真的不錯

好香肉質也緊密

可以做出幾款食品

 

呢一款用來煮天使麵

加上彩椒

再用粟米蓉做汁

 做午餐還算不錯

 

另一款切片

懶懶地

用麵包機做包

火腿片略煎

用來夾麵包做早餐

 

日本和牛

 平日都是

食廉價凍肉

那天在citysuper

用贈券買了三樣肉食

比平常吃的貴了不少

見是免費又不妨吃好一點

和牛有試食

於是買了一小盒5塊

 

其實我未煮過

於是我求其

用鑊每面煎廿秒

老伴覺得過熟

但我覺得啱啱好

 

和牛最大優點

大概就是腍滑

味道不錯而且唔羶

但我覺得不及

我在潮洲食的鮮牛肉好味

 

 

節瓜素湯

節瓜煲素湯

節瓜素湯

好一段日子

無煲這個素湯

材料

節瓜 眉豆花生 

黑豆 甘荀 姬松茸菇

還加了一粒蜜棗一片果皮

味道不錯

還加一款

午餐肉洋蔥番茄炒蛋

簡簡單單又一餐

 

 

 

 

 

 

有葷有素

 

 有天下午出墟辦點事

順道逛逛街市魚檔

$40買了四條黑臘

即日加冬菜蒸兩條

雖是養魚

也算清甜 

 

另兩條用鹽醃了做咸鮮

過兩蒸來吃

又另一種吃法

加熟油不用調味

也是不錯 

 

有一天經過凍肉舖

見腩肉好靚

買條回家用梅菜炆

用老抽上色

味道還不錯

 

 

 

 熟悉我的網

也許知道我不大喜歡食牛

今回因想飲青籮蔔湯

又怕太寒涼

所以買牛尾煲

年紀大真麻煩

寒熱都受不了

.

 

 有葷自然有素

這個油豆腐煮雲耳鹿茸菇

加幾條青菜

增添綠色

只簡單用鹽豉油糖調味

'

 

另一款更簡單

清炒荷蘭豆

豆味清爽口

不想太單調

就加上雲耳及少許紅椒