沙蜢魚滾湯

早幾天在街市

買左差不多一斤

沙蜢魚仔

$50蚊

已經話平賣俾我

以前邊使咁貴架

用左一半來滾番茄豆腐

另一半放左入冰箱

昨日買左有機紅莧菜

一於滾魚湯

魚仔好新鮮

加上我滾得兩三碗湯

真係好鮮甜

火雞肉炒海參

火雞肉炒海參

老伴從超市

買來一大一小

兩隻火雞翼$35

味道不錯

只是肉質比較實

用來配其他食物較好

材料簡單

黑椒火雞肉、雲耳、洋蔥

我衹用一隻細翼

炒埋一小碟

因為有黑椒

還可食到小小辣

海參我用呢隻

廉價急湅海參

海運戲院

好久沒到戲院看戲

那天到尖沙咀閒逛

無意看到海運戲院

才驚覺海運戲院還未拆

我行入去一看

己經面目全非

昔日寬敞的大堂

己不復見

只見小小角落

仍然有爆谷飄香

好高興海運戲院沒有拆掉

這個可是大家的集體回憶

七十年代

這裏有放影過不少好戲

經歷變遷

現有海運戲院

於去年重新裝修

由嘉禾經營

最難得沒有分割成細院

仍然是單一影院

有機會真要入去睇番場戲

晚飯聚會

朋友大聚會

在九龍城好彩酒樓

金盞翠果海皇

錦繡澆鹵大拼盤

瑤柱金菇扒翠苗

雲南野菌燉花膠

皇冠炸吉列大蝦

材料豐富燉湯

蠔皇金錢鮑螺片

好彩一品燒雞

清蒸游水海石斑

鮑汁炆伊麵

海鮮炒飯

還有一人一蘋果

綠豆糖水冇影相

全包宴

$21xx元一席

我地兩圍有房坐

食物水準好一般

但難得大家坐得舒服

談談笑笑很值得呢

雞柳炒咸菜

早幾日炒西芹

餘下半包咸菜

今日買左一塊雞脾肉

加雲耳炒埋一碟

簡簡單單又一餐

材料

急凍去骨雞脾肉一件

咸鹹菜適量

雲耳適量

紅蘿蔔適量

薑二片

做法

雞肉切條

用一茶匙酒、一湯匙生抽、少許糖

少許粟粉

醃大約半小時

咸菜用清水浸廿分鐘

切條用白鑊略炒兜起留用

雲耳浸發後

用熱水略浸，去殘餘農藥

炒法

燒紅鑊下油

將雞肉炒至剛熟兜起

下薑片略爆

雲耳、咸菜、紅蘿蔔炒5至8分鐘

(喜歡的可贊小許酒)

將雞肉回鑊

下鹽調味便成

失色的下午茶

阿摩咖啡

是間有特色的小店

我以前也有向大家介紹過

事隔多月

星期日

到尖沙咀辦完事後

老伴有其他事做

我一個人到油麻地

阿摩吃下午茶

我最"愛豬扒意粉"$32元
點解走晒樣

摷番幾個月前

相片對比

真係走晒樣

無論賣相同分量都失色好多

好在味道尚算唔錯
但感覺廚師求其左
難道廚師
晚上掛住追看世界杯
無心工作？？？

展覽~郵歷香江1911--1976

九龍公園文物探知館

舉辦一個有關香港郵政歷史展覽

當中展出一些非常珍貴舊照片

一九零八年

白色頂的是興建中的郵政大樓

港人以前稱郵局為[書信館]

因此旁邊也有個[書信館]電車站

[干諾公爵]像

日治時期被日軍拆走

香港淪陷一週年

日軍花車巡遊慶祝

－九五三年慶祝[英女皇]登基

燈飾燦爛

相片中像冬菇亭的是舊卜公碼頭

郵局拆卸後

一對石柱搬去嘉道理農場擺放

舊時賣郵票櫃檯模型

局內用的木欄杆

是實物展覽

非常珍貴

以前郵局用來秤郵件秤

以前有紀念郵票出售

大批人士排隊等候

待郵局開門，便齊齊搶閘

以前用船運送郵件

昔日的郵筒

郵政大樓的模型

這座大樓真的很美觀

拆了實在太可惜

從相片可以看到

郵政總局附近

商業活動非常繁忙

資料顯示

舊郵政總局大樓於1911年建成

1976年清拆

座落於香港畢打街與德輔道交界

即現在環大廈的所在地

展覽場地

九龍尖沙咀海防道九龍公園

香港文物探知館專題展覽廳

展期

29/4/2014 至 26/8/2014

有興趣的朋友

可以前往參觀

咸菜炒杏鮑菇西芹

咸菜炒杏鮑菇西芹

還有豬肉、杏鮑菇一起炒

個名好長

有冇睇到眼花呢

咸菜沙茶醬

都係朋友仔買俾我架

我梗係要交功課啦

咸菜沙茶醬

都非常好味

沙茶醬有小小辣

我用來醃肉

今次用左一塊

急凍梅頭豬扒切條

都話一棵西芹好襟食

加埋杏鮑菇

唔使太單調

呢味菜送飯一流

南瓜煮棑骨

天氣熱

不大想留在廚房太耐
不過
呢兩日都岀左街
今晚

簡簡單單煮個鎹就算

最近跟朋友仔

學做左酸梅醬

今次用左一湯匙醃排骨

味道都幾好

呢隻係本港出產南瓜

體積好細

可以連皮食

質地比較粉，一樣好食

夏日

夏天是蚊蟲活躍期
蚊蟲雖然討厭
但在郊外多留心
就會見到有趣美麗的昆蟲
以下是我在
[自然教育中心]
拍到的一些照片


紅色蜻蜓好靚
我見到的紅蜻蜓
都喜歡擁抱植物
呢隻抱住朵花

呢隻愛擁抱荷葉

金色蜻蜓

呢隻似惡蜂

‧呢隻要留心先睇到

蜘蛛色彩好靚

在郊外常見

似蛾又似蝶的物體

呢隻應該係蝴蝶

體形好細，樣子有趣

又到賞荷季節

可惜池荷花不多