午餐+下午茶

 午餐

雞胸肉炒扁意粉

加三色椒

洋蔥 蘑菇 鹿茸菇

用中式做法

加豉油糖炒

望落都幾似炒麵

 

 下午茶時間

番薯芋頭腐竹糖水

芋頭番薯放在一起

又香又甜

再加上腐竹豆香

幾好味

我有不煲溶腐竹

吃起多重滑滑口感

 

 

雞胸肉炒雜菜

 燒雞胸肉炒雜菜

烤雞留下的胸肉

份量不少

翌日用一半來炒雜

材料就雪櫃有乜就食乜

雲耳 蘑菇 洋蔥 秋葵

還有三色椒

大家覺得豐富嘛

 

 

 這兩天的藍天白雲

 

 

烤雞

 這是從一間小型超市

買來的急凍全雞

標簽泰國出品 

非常便宜$78元兩隻

有成兩斤重

 第一次

嘗試用焗爐做燒雞

用鹽及黑胡椒醃一晚

焗時再塗醬油

最後掃蜜糖

焗咗成個幾鐘

最後顏色都唔均勻

賣相麻麻

但真係好大隻

隻雞都幾好食

皮薄肉滑又冇乜肥膏

留起雞胸

都好大碟 

負責剪雞嘅

手勢真係麻麻

剪到甩皮唔甩骨😅

 

 

粟米豆腐蘑菇羹

做意粉剩下半罐

粟米忌廉湯

做老少平安

又剩半盒豆腐

將兩樣材料加在一起 

再加炒香蘑菇

煮出這羮湯 

用蔥粒添香添色

經濟又實惠

 

 姑奶再添孫

又有薑醋食

今回因疫情關係

她只派薑醋咭

 

 八珍薑醋也算不錯

不過呢

我還是覺得她自己煮的好吃

 

 

 

 

煎三文魚+木瓜素湯

 好久冇買三文魚

行超市

剛巧三文魚扒做特價

兩片五拾多元

買回來解凍抹乾水

用幼鹽黑椒醃一會

三文魚易熟

煎香兩面

再炒秋葵做個汁伴碟

一人一塊唔使爭 

 

小小的一個有機木瓜

半生熟

買回來放兩天

還未熟透

用來煲湯較適合

用花生眉豆黑豆紅棗

好甜好味

話說是湯

我會落小小鹽

 

 

晚餐會

 兩年有多沒見的舊同事

今回終於可以聚一聚

除了暢談一番

也大吃一頓

五人點了個六人餐

居然給我們吃清光

 

花膠響螺湯

燒鵝及貴妃蚌西蘭花

個湯非常好味

花膠有些少爽口不膩

燒鵝不夠肥美但都好夠味

 主角長腳蟹出場

好多羔

肉質好鮮甜

 

清蒸沙巴躉

清蒸鮑魚

雖然細細隻

爽口不靭好吃

最後燕窩燉奶

可能預早燉定

所以不太滑

不過呢隻奶唔"羶" 

啱我口味

 大家度過愉快的晚上

期待不久可以再聚

 

 

 

紅燒醬油骨

紅燒醬油骨

煮來煮去無乜新意

呢個金沙骨

用豉油糖酒薑蒜蓉

醃幾兩小時以上

然後煎香

放醃汁上蓋煮熟透

再用老抽上色 

今次排骨較瘦

但好在肉地厚

不會太乾或"嚡" 

都算幾好