素食一品鍋

終於

下了兩天大雨

天氣涼了不少

熱廚房也不太熱

不過

懶人的我

還是想辦法

煮得越簡單越好

一品鍋

材料豐富

勝瓜 雲耳 番茄 豆卜

再加兩隻煎蛋

營養也豐富

呢個窩有湯有餸

不需特別調味

只加鹽調味

已經好味

粒粒素小炒

前院買到青豆角

加上三色椒 及青瓜洋蔥

切粒炒

只用鹽糖生抽調味

炒時青瓜最後放入

兜幾兜便可上碟

餘下隔日再煮

今次冇青瓜

用長切來炒

味道差不多

切粒小朋友可能較啱食

我較喜歡呢個食法

赤小豆扁豆老黃瓜湯

赤小豆扁豆老黃瓜湯

原來青瓜又叫黃瓜

自然老熟

就由青變黃

即用來煲湯老黄瓜

呢個傳統上講

可以去濕解熱

老黃瓜味道有少少甘味

夏天最佳湯水

老黃瓜不必去皮

切開去核便可

很多人連瓜囊去掉

我就喜歡留番

煲起來個湯甘啲

材料除老黃瓜

還有赤小豆 扁豆 生熟薏米

粟米 甘荀

蜜棗一至兩粒

薑一大片

果皮半個

果皮浸軟去囊

隨水落

其他材料待水滾下

煲兩至兩個半小時

用小小鹽調味便可

大大隻糭子

有人

送宅男兩隻大糭

有幾大

用湯碗裝

大家睇睇實物

比較就清楚

花生栗子

還有件瘦肉

據講呢隻係潮式糭

我喜歡食花生

所以都覺得唔錯

而份量足夠兩人午餐

另一隻港式綠豆糭

冇肉只有咸蛋黃

留回俾宅男食

粗糙香蕉蛋糕

天氣咁熱

我呢個懶人

真係唔想郁動

可惜屋企

只有自己呢個阿四

唔做就冇得食

呢日見

兩隻香蕉已熟透

快快手用來

整個蛋糕

雖然粗粗地

不過

真係幾好味

外面買嘅

好多香精

自己做真材實料

材料

自發粉    160

全麥粉        20g

黃沙糖          65g

香蕉蓉        200g

牛奶            15g

蛋               2隻

牛油           40g

橄欖油       50g

     檸檬1茶匙(拌香蕉溶用)

做法其實好簡單

牛油放軟加橄欖油加糖拌勻

再加蛋拌勻做成蛋糊

自發粉、全麥粉一同過篩

加入蛋糊內拌勻

最後加香蕉蓉拌勻

預熱焗爐170度

焗50分鐘

夏日寧靜園林

今日在前院買菜
發覺比平時靜
可能是學生正在考試期間
又或者是天氣太熱

實在是早上天空有雲

太陽不太猛

是鳳凰木開花的時候

有位大叔在餵金鯉

睇清楚

原來是我家大叔🤣🤣🤣

大樹菠蘿

長滿果實

連樹幹都滿是果實

本來想拍雞蛋果

背光變成黑墨墨

呢個果及瓜棚

現正好遮蔭

呢位仁兄

唔知影乜

椰菜花炒蛋

雪櫃剩了

些少椰菜花

唔想再用來炒菜

不如就炒蛋

加小小甘荀

只為整色整水

先要用水灼熟菜花甘荀

然後剪碎

我冇刴碎

因為想有啲咬口

加入雞蛋

用鹽 糖 生抽調味

燒熱油

就可放入半煎半炒

椰菜花加蛋

原來都夾到

今次炒蛋

下次要試煎蛋