大家可能認為
我平時食得好健康
其實我間中都食即食麵
皆因我家老伴
非常愛吃
屢勸不聽
見丁丁麵減價
就會買好多回家
我不在家就煮來吃
幸好是
他會將麵出水
而且只用很少味粉
而我簡中都當午餐食
平時只吃原味
今次有新口味
煮個生菜煲
減輕罪惡感
落左少少醬料
已經好辣
-
很久無買的杏鮑菇 因為價格有點貴 在這邊都未買過 以前多用來炒 今回試下醬油菇 這隻菇有點爽口 伴著醬汁 吃來不錯 簡單用番茄炒蛋 一窩雜菜 簡單的素食 呢碟是朋友送的 不是芽菜 不知用什麼種子發的 加麻醬生食 食起來有草青味 忘記了問朋友是什麼東東 -
蔬菜浸三文魚 最近又買左 幾pack急凍三文魚 每份有兩塊 煎三文魚香口 但有時過火會嚡 想起呢個方法 三文魚抹上幼鹽灑上黑椒粉 煎香有皮一面 煲好雜菜放上三文魚 滾起一至兩分鐘熄火浸 至於時間就要睇魚塊大細 自己控制啦 呢個方法食起來 又真係好食啲同較滑 因為有些少剩飯在雪櫃... -
最近懶懶地 都好喜歡整碟頭飯 一人一碟唔使爭🤣 香煎三文魚 三文魚煎過火會比較'嚡' 所以煎時方法 我會用比較大火煎香兩面 然後轉細火煎熟 效果較好 這款是豬扒 加些邊豆 平衡營養 雞翼尖儲夠一碟 就用醬油煮來吃 兩人一次過清碟
我只鐘意丁麵原味 ^^
回覆刪除我都係架，我就唔會買其他~
刪除雖然我亂食嘢、但我唔多食公仔麵这類麵！
回覆刪除你識煮識食，我老伴貪方便，好喜歡即食野。
刪除即食麵我少咗食，不過依然會間中食
回覆刪除人生太過健康，又會冇哂樂趣
我有時貪方便，間中會煮下
刪除以前常吃的丁麵及福麵, 近幾年每次吃至一半已想嘔, 吃不下.
回覆刪除有次759日本丁麵特價, 一試, 竟然幾包都能整碗吃光, 更發現煮完麵的煲不油膩, 跟本港的不同.
真係呀，等我見到買來試先
刪除好少食即食麵
回覆刪除少食為妙
刪除我乜味都食架.
回覆刪除歐洲賣得好貴
刪除我始終喜歡原味的。
回覆刪除但不知何時，我發覺丁丁麵的麵條幼了，而我總回味著之前粗身點的口感。
我都係喜歡原味。
刪除而家好似差左
即食麵雖然唔健康，但係超好味，尤其是當沒胃口吃飯時，即食麵是一個不錯的選擇。
回覆刪除哈哈，後生仔女特別喜歡
刪除屢勸不聽
回覆刪除哈哈
這可能就是EE老伴對丁丁麵的情義結
佢只係喜歡方便
刪除間中食吓無問題。
回覆刪除我都係間中食吓
刪除我剩係鐘意食麻油出前一丁呀!
回覆刪除我都係
刪除唔記得講，上次丁丁特價，我買咗一箱30包呀! ^.^
回覆刪除你地有兩個生力軍，好快食晒
刪除一丁麵依家超難食，反而有隻韓國不倒翁拉麵幾好食，有机會可以試吓
回覆刪除係？有機會要試下
刪除食到怕了！
回覆刪除我好少食架
刪除我都會偶然食一次滿足下個胃架
回覆刪除簡中食下真係好醒胃
刪除我家相公同樣愛吃即食麵 , 以前我好怕食 , 但跟相公吃得多現在已沒有那麼抗拒了 .
回覆刪除間中食都幾好，食得多就真係麻麻
刪除間唔中食應該ok嘅
回覆刪除真係唔好成日食
刪除我呢幾年都少咗食丁丁呀。
回覆刪除我都會間中食下
刪除好耐無食過……
回覆刪除間中食下都幾好味
刪除我哋屋企好少食公仔麵...試過放到過期...都冇食過哈~
回覆刪除我老伴買返來，都會食下
刪除我屋企只係鐘意食出前一丁麻油味.
回覆刪除我最鐘意食出前一丁麻油味。
刪除公仔麵我都好鐘意，不過最近小食
回覆刪除最好都係食少D
刪除