昨天風聲緊張
我四點多鐘回家
途經牛池灣街市
好多檔口已經收工
豆腐也幾乎賣光
真不明什麼心態
只是一場風
最多不過兩天
不少人在搶購食物
我家中買了有機蔬菜
因為兒子要等颱風過後才離營
我於是買了十五元鯪魚肉
買了磚豆腐
魚肉已經調味攪拌好
因為這個淡水魚檔
以前也幫襯過
質素味道也不錯
因早前見
blog友仔袁太
用豆腐做炸鯪魚球
我又試下
豆腐用1/4加入魚肉拌勻
唔炸煎香兩面浸勝瓜
這個魚肉打很彈牙
加上豆腐
有點軟綿綿感覺
唔錯唔錯
$15元鯪魚肉
其實不少
我分開一些
用來醸茄子
照樣略煎
然後加水炆一會
再下調味料做個薄獻
又多一味餸
兩個人沒法吃得完呢
打風駛咩驚,香港物資豐足,又不會因一兩個颱風斷米斷水,不過人人居安思危,但又小題大做咗啲.
回覆刪除香港人慣左怕執輸
刪除兩樣我都想食
回覆刪除兩樣都唔錯。
刪除我都係，5：00收工，咩都無得買，街市又閂晒門，想買包米粉都比人掃晒，唔知係打風定打仗..haha
回覆刪除真係好似打到來咁，真係唔明解
刪除兩樣都好食. :)
回覆刪除兩樣都唔錯。
刪除煎醸茄子及鯪魚球, 飲茶時常會食, 自己就偷醸, 哈...
回覆刪除我反而飲茶較少食，間中自己做下啦
刪除依家超市應該都會買到餸啦
回覆刪除哈哈，今次聽到超市蔬菜都被掃光。
刪除我太太最喜歡吃煎釀茄子，還愛蘸甜醬吃呢！
回覆刪除蘸甜醬吃也不錯呀
刪除其實依家打風仲使乜搶購食物呢.
回覆刪除香港人仍然會架。
刪除昨天最開心既唔係有半天假既打工仔,係街市或者超市,連平時賣唔晒要去堆田區既貨尾都掃清光 :P
回覆刪除哈哈，你講得啱呀！今次聽到超市蔬菜都被掃光
刪除魚肉其實係有好多配搭！
回覆刪除就咁用來送飯都唔錯。
刪除我鍾意食鯪魚肉，但係這裡冇
回覆刪除我記得你來港會帶啲鯪魚肉回家。
刪除煎香再浸都好好味,香港人就係咁,每次一知會打8號或以上就會去街市買定幾日的餸菜,仲有係街市買定好多好多公仔麵同幾包米,其他人唔知為會打風打足幾個月^^
回覆刪除今次聽到超市蔬菜都被掃光。真係使唔使呢
刪除我星期二早上落街都仲有嘢買~不過我老公返黎睇到D~覺得好似打仗咁~乜都賣哂~
回覆刪除今次聽到超市蔬菜都被掃光。
刪除我亞囡有問我，幹嗎不買餸，我話一餐半餐，有需要食個公仔麵就好了
回覆刪除係啦，打風都係一日半日，真係唔使太緊張。
刪除EE果檔D鯪魚肉，佢攪完後仲有冇骨？我食果D有時仲有D較長的骨GAR。
回覆刪除呢檔D鯪肉係冇骨架，我以前都食過有骨。
刪除真係好誇張，係咪怕打風後加價？
回覆刪除打一日半日風都唔會嘅，D人就係唔知乜心態。
刪除作者已經移除這則留言。
回覆刪除