沙蜢魚
我哋叫佢做剝皮魚
已經好耐冇買
大條沙蜢魚滾湯
非常鮮甜
滾完湯仍然有魚鮮味
但就比較嚡口
不過我哋照食
淋小小豉油就可
簡單的
番茄薯仔甘荀湯
真係好好味
-
週末有客到訪 晚餐 三色椒炒蝦🥢 手撕雞🥢 鹽焗爐魚🥢 清煮蘿蔔🥢 雙花菜甫炒蛋 (西蘭花及椰菜花) 還有冇出鏡嘅 魚肚粟米羮🥣 今次餸菜 比較清淡 想不到全部清碟 連飯煲都同我清埋 食得非常開心 還有做佢哋 最愛嘅港式包帶返屋企 今回係椰絲 -
懶懶的 碟頭飯 買了盒雞扒 先做個雞扒飯 加邊豆 車厘茄 蘑菇 洋蔥 均衡營養 英國的栗子 實在太難剝 我買過之後就放棄了 只好買這種現成的 不過 這個有季節性 只是一年一度 在超市見到這種花生糖 不過冇買到 -
今日天氣陰暗 在家中煮個簡單午餐 這些買回來的是急凍熟蝦 味道不錯 用幾隻放落滾湯底 順便番熱 買了一盒全翼 又自家切出中翼 用醃料醃好 用氣炸鍋焗出油 再加入椰菜花一起煮 椰菜花是上次煮豬扒剩下半個 今回就可清左佢 萬聖節到了 用在老家拍的舊照 應下節 -
雞翼對我來說 可算食不厭 這邊買雞中翼不易 我照舊將雞全翼分三份 最愛部分中翼 今回用蜜糖煮 先用氣炸鍋 將雞翼焗八九成熟 然後回鑊加蜜糖汁 煮到收汁便完成 有小小燒雞翼味道 甘筍煮紹菜 簡簡單單又一餐 煎幾片 Pancakes 加杯咖啡 早餐下午茶也可
麻麻地魚, 等你下一味 ^^
回覆刪除原來你對魚麻麻
刪除好耐無飲過魚湯了，正啊！
回覆刪除呢隻魚滾湯真係好好味。
刪除好貴一両架
回覆刪除我呢個下午魚檔收工前買，好便宜。
刪除沙蜢我鐘意食呀,唔自鞋口呀,多肉冇骨冇泥味,不過越賣越貴.
回覆刪除佢係好有魚味，我呢個下午魚檔收工前買，好便宜。
刪除番茄薯仔甘荀湯 ~我女都鍾意飲呢~!
回覆刪除呢個湯老少咸宜。
刪除通常我地都來燜芹菜蒜苗,滾湯真係未試過。
回覆刪除實肉魚要來炆係好啱，但沙蜢滾湯好鮮味。
刪除仲以為沙蜢魚價錢好貴呀 ! 好便宜!? 咁即係點賣呀? 嘻.. 嘻 ..好奇一問♬︎*◡‿◡*♪
回覆刪除呢條沙蜢魚$30元，係特價來。
刪除沙蜢魚夠晒肥美！
回覆刪除以前沙蜢魚好平
回覆刪除