九龍城街市
樓上的樂園
聞名已久
但只幫襯過一次
飲奶茶紅豆冰
印象中也不錯
今次因為
光顧開的餐廳
突然休息
所以上去一試
食個早餐
原來此店不設套餐
餐牌明碼實價
熱飲咖啡十多元
我點
炸豬扒通粉$24元
原來分開上
即叫即炸
還附上刀叉
真係好香脆
不過
吃完即刻後悔
真係好熱氣
早上十點多鐘
屬非繁忙時間
人少少
服務員都好有禮貌
不過
聽講過此處
服務態度麻麻
可能是忙啦
大家若想幫襯
最好不要
在繁忙時間
香脆啱我.
回覆刪除香脆真係好吸引。
刪除係咪話呢間紅豆冰好得?
回覆刪除係奶茶紅豆冰好得
刪除我都係只飲過奶茶紅豆冰
回覆刪除因不做套餐，食物比一般茶餐廳略貴。
刪除看到副條幅寫上「勝過鮑參肚翅」，都唔知指乜？
回覆刪除那不如換句讚頌之聲「勝過千言萬語」仲好啦！咭咭咭！
好似徐係蔡瀾贈言，讃揚佢地啲食物雖普通但「勝過鮑參肚翅」
刪除豬扒個樣好得，食一塊唔會太熱氣啦
回覆刪除我好渣，太涼太熱都唔受得。
刪除有時見到好食,熱氣就熱氣啦 :P
回覆刪除我好渣，太涼太熱都唔受得。
刪除最中意食熱氣嘢..hahah..最多之後飲返"薏羅"
回覆刪除炸嘢另上, 呢種廚師有靈魂!
你地後生乜都唔使怕啦。
刪除佢即點即炸，另上就好似高檔左。
EE 你都好多時去九龍城咁喎~
回覆刪除我每星期都去架。
刪除勝過鮑參肚翅係乜菜式？點解嘅？！
回覆刪除佢意思係雖然係普通食物，但勝過鮑參肚翅，係讚佢地啫。
刪除曾聽聞九龍城有好多好嘢食!
回覆刪除九龍城現在變左食街啦。
刪除以為迪士尼樂園後，多了個景點叫九龍城樂園...=P
回覆刪除哈哈...
刪除忙起上來，又要態度令人滿分，真不容易，所以互相體諒和容忍，咁就大家都開心，真正的樂園啦！
回覆刪除不過有人話個老板好寸
刪除多人幫襯自然大牌啦
回覆刪除所以最好非繁忙時間去。
刪除