聰嫂甜品

食完下午茶

意猶未盡量

要行過隔壁商場

食甜品

聰嫂私房甜品

薑汁茘枝果凍

$25元

我試左小小

幾夠薑

我下次要食呢款

榴蓮黑糯米

$30元

榴蓮蓉+榴蓮雪糕

好香榴蓮味

黑糯米有

少少彈牙

相當唔錯

芝麻糊$18元

好滑而有香味

加四粒湯圓$6元

比較其他新派甜品

聰嫂價錢合理好多

而出品水準都幾穩定

聰嫂甜品

共有三間

有兩間在將軍澳

一間在銅鑼灣

我今次幫襯呢間

將軍澳運亨路1號新都城第一期地下

翠華下午茶

已經好久

沒有幫襯翠華

上星期到[將軍澳店]下午茶

一位年輕人的最愛

聽說他每次來

都點同一樣

大蝦撈麵

我哋三人

都點同一款

下午茶套餐

魚蛋河

魚蛋幾彈牙

不過湯底清啲更好

海南雞半隻

百幾蚊半隻

可能係拆左骨啦

望落份量非常小

幸好滑滑的亦有雞味

脆豬$18元一隻

都幾貴

4個人食左兩隻

尚算保持水準

 三個

下午茶套餐

一碟撈面

兩個脆豬

半隻雞

一杯紅豆冰

盛惠三百幾

都唔平架

又到暑假

又到放暑假

每年學期結束

放假前

最後一個上課日

呢間小學

都有如此場面出現

特別多家長出現在校園

站在最頂層

六年級學生

排列整齊

是最低年級

還有些站在樓上的學生

家長們高舉手機拍照

原來大家

就是為了

送別畢業班的師兄師姊

場面很溫馨

有些女孩子

還會互相擁抱流淚

要老師從旁安慰

大家還記得

小學畢業

離開學校的情景嗎？

素小炒~莧菜莖炒雲耳

呢個素小炒

非常慳水慳力又慳錢

至於好唔好味

我覺得唔差架

綠色係莧菜莖部

今次有機莧菜莖部太長

掉掉好浪費

但一齊煮

食起來同菜葉口感不同

所以決定分開煮

加雲耳冇咁單調

又大碟啲

做法

菜莖洗浄切段

雲耳浸軟傋用

蒜片薑片各兩片

兩種做法

一可將菜莖雲耳

用滾水灼一至兩分鐘

再爆香薑蒜

落鑊兜炒調味便

二可直接爆香薑蒜

兜炒便可

第二方法較爽口

第一方法菜莖會腍些少

我喜歡第一個方法

啱自己及家人口味

調味方面

除咗適量鹽

加一茶匙陳醋

加少許沙糖(我用原沙糖)兜勻

就可上碟

晚飯在快餐店

昨天放工後

懶懶的不想煮飯
兩個人
間中
食下快餐無妨

美心
最便宜的套餐$30元
[煙鴨胸意粉]

加$7.5元

𨍭紫薯紅豆冰

我向來不愛喝凍飲

見到紫薯才試試

不過

有點失望

不試也罷

另一小菜餐

京都骨$48元

這個倒不錯

$7.5元加碟油莱

套餐包湯

還算不錯

只是胡椒粉

下得太重手

都幾辣架

呢個晚餐

$93元

間中食下

都算幾滿意

蘑菇意粉

呢盒調味料

係朋友仔Samwei

從歐洲買來送俾我

適合素食人士

今次煮
蘑菇意粉

係阿仔煮

而家煮意粉

已經唔使我出手

呢碟太多香草碎

唔啱我

留番佢自己嘆

香港知專設計學院

[香港知專設計學院]

Hong Kong Design Institute

成立於2007年

是香港職業訓練局

為培訓設計人材

而成立的專上院校

位於調景嶺景嶺道

院校

由法國建築公司設計

建造費達12億

概念來自飄浮於空中的白紙

法國人當然浪漫

設計自然飄逸

但是否實用

則見人見智

當天因天雨

室外拍照拍得不多

院校空間非常大

戶外

有不少這類公仔

做型可愛

地層有各種設計展覽可參觀

詢問下

原來可隨意拍照

機械人

室內設計

我特地去

就是為這個展覽

本屆珠寳設計

學生畢業展

這個設計

是我一位後輩的作品

雖是學生

都有板有眼

唔錯架

其實

還有很多出色作品

只是不方便放上網

展覽至六月廿八結束

大家有興趣不妨去參觀

就算是平時

我覺得

都值得去睇睇

影下相

交通非常方便

港鐵調景嶺站A出口

唔使揾都見到

西貢海鮮餐

今日

雖然天氣反覆

朋友仍然相約

入西貢食海鮮

幸而都能避過雨淋

今日自挽海鮮

到海傍的[富雅]午餐

總共五樣海鮮

三樣餸

蟶子食完

然後先記起影相

還有炒菜同扇貝忘記影相

五樣海鮮三樣餸

共九位進餐

吃得好滿足

結賬+買海鮮$1620元