前院買矮瓜
超長超大隻
一隻已經半斤有多
而且好新鮮
簡簡單單
灑少許幼鹽少許糖清蒸
預備適量薑蓉芫莞
淋上滾油 加上少許生抽
待茄子蒸熟後淋上面
已經很好味
四季豆亦即玉豆
也是我家常吃
炆炒也好味
外面食的多是走一走油
住家菜就無謂用太多油
我處理玉豆方法
會先用滾水灼一會
今回用來炒粒粒
加彩椒甘荀粒
及蘑菇菜甫
有色彩也營養豐富
出外午餐
週末約了我家宅男 出外午餐 已經有一段時間 沒來用餐 2025年來個第一次 中午時間 尚算旺場 但也不難找到坐位 兩老喝茶 來到酒吧 年青人自然喝酒 老伴吃漢堡餐 我照例點全日早餐 漢堡包賣相欠佳 宅男的素Pizza 晚上參加完活動 回家時 下起雨雪來
-
週末冬至 我們一家被邀請 到老伴學生家過節 很豐富的一餐 有鮑魚及冬菇炆花膠 蒸魚及蒜蓉蒸蝦 我也做了兩樣素食帶過去 甜品有中式糖水 忘記拍照 另有西式蛋糕 這個甜品 據說只在聖誕節出現 淋上這個酒味濃濃的忌廉 我也做了兩樣 他們小朋友喜歡的食物 食下傾下 度過了一個愉快的晚上 -
聖誕前 超市都有些減價食物 我買的不多 除了蔬菜 我買了條半價的三文魚肉 重量1.369kg 一 次當然無法吃完 我分成幾份 放了一半入冰箱 其餘放入雪櫃 分次前來吃 加碟鮮菠蘿炒彩椒 簡簡單單又一餐 佳節當前 祝各位聖誕平安喜樂！ -
天氣凍 有啖湯水 飲完暖笠笠 蘿蔔現在當造 在印度舖買了條蘿蔔 又攪些豬肉丸放湯 加上些少甘荀 啖湯好清甜 這幾天除了寒冷 天色總是 灰濛濛及陰沉沉 戶外真的很冷 雖然著足禦寒衣物 站久了也感到好寒 這群鴿子 可能是毛厚 都不怕冷 一早就聚集在此 -
懶洋洋的假日 用急凍海鮮包 加急凍雜菜包 炒意粉 這個有點像 香港茶餐廳做法 間中食下 其實都唔錯 買了現成撻皮 放到過期也未用 今日終於提起勁 做了幾隻蛋撻 因為第一次用這種餅皮 所以只做了六隻 純是試驗性質 不算太差 但仍有很多改善空間 蛋液好多人喜加奶 但我就喜歡原汁原味... -
天氣冷 氣溫都在單位數徘徊 突然興起 就來個素火煱 素食火鍋都可有不少食材 今回是家中有什麼就吃什麼 菜類: 菠菜苗 紹菜及羅馬生菜 其他有 粟米 番薯 甘荀 合掌瓜 番茄 冬菇 枝竹 雲耳 粉絲 還有甜品 雪糕球 這個雪糕球 我用氣炸鍋焗 皮脆內軟 再淋上回溫的朱古醬 味道不...
我都想試吓煮清蒸茄子, 請問大約要蒸幾耐, 茄子才熟? 謝謝🙏
回覆刪除切薄啲就較易熟，我大約蒸十五分鐘咁上下，可以用用筷子篤吓腍唔腍
刪除我都喜歡這樣煮茄子, 好食💗
回覆刪除方便又原汁原味。
刪除我成日都想食茄子, 不過好多時好大隻, 兩個人一次過食唔完
回覆刪除香港有細隻賣
刪除幼長嘅茄子我去超市咁耐只見過一次咋。
回覆刪除我呢隻唔算幼
刪除這種茄子在中超才有，賣得好貴。
回覆刪除太貴就唔抵食，不過我呢隻有機唔算平。
刪除色彩豐富的一餐 :P
回覆刪除冇肉食為有靠多色增加營養。
刪除矮瓜我多數都係清蒸，放算蓉，蒸好放熟油，玉豆我比較少買來吃。
回覆刪除清蒸放熟油已經好味，因為家人食素所以要多煮豆類。
刪除我係上次見EE介紹先知有咁大隻，前院出品多屬佳品^_^
回覆刪除有機菜外型未必靚架，不過比較食得安心而且新鮮
刪除我鍾意蒸茄子，配不同汁料都好食。
回覆刪除係呀！又可用醬料去蒸
刪除清蒸茄子健康有益美食！
回覆刪除出面食的茄子好多油
刪除前院一定新鮮，正！
回覆刪除