買咗兩節蓮藕
煲湯又太多
於是分兩餐食
用圓身一節做蓮藕餅
剩下長一節煲湯
先將蓮藕刨絲
加菜甫甘荀做配料
菜甫甘荀盡量刴碎
另加粟米粒
一湯匙麵粉
一匙生粉或粟粉
用小小鹽少許糖調味
一起拌勻
分開一小份煎熟
因為太心急
煎得好醜樣
但味道真係唔錯
因役情限聚令
前院菜檔暫停營業
網上訂菜
再作交收
今個週末
天氣不錯
天色晴朗又和暖
見到兩隻可愛鸚鵡
企定定任人拍照
這隻彩色鸚鹉
我睇番相片
綠色羽翼同背景黐底😅
屋後的細葉榕
繼續生長
高聳入雲
經常滿地落葉
勒杜鵑
在寒風中
仍長得好茂盛
這個冬天真太冷
大家要好好保重
網上訂, 後取貨, 都算方便
回覆刪除係方便,但我都係喜歡見到實物😅
刪除蓮藕餅好食啊💗
回覆刪除我都好喜歡食
刪除我地買蓮藕又係要一次買好多。好彩先見到有細份。我依家習慣煲完湯之後用來炆。以前唔識，煲完湯，食唔哂就掉。
回覆刪除炆咗嘅蓮藕又可以做餸，係幾好架呀。
刪除兩隻雀有冇人養㗎？
回覆刪除係主人帶佢哋出來架
刪除今年香港天氣都幾凍喎。
回覆刪除係呀！好冷
刪除影相選擇背景都好重要架.
回覆刪除的確係，因為影得太匆忙，冇留意。
刪除兩隻鸚鹉好靚呀！有冇講野呀？
回覆刪除呢兩隻好靜唔出聲架
刪除鸚鹉有冇同EE SAY個HI呀？=P
回覆刪除呢兩隻好靜唔出聲架
刪除菜檔都可以網上訂再交收都幾好呀！
回覆刪除今年冬天真係比之前凍呢，呢幾日又凍啦，EE一家都要小心身體呀
多謝你關心，大家都要小心啲
刪除疫情下~好多都變咗網上購物呢~!
回覆刪除我哋呢啲老人家好唔習慣。
刪除隻鸚鵡實在太令啦！
回覆刪除羽毛七彩
刪除個疫情不知甚麼時候完
回覆刪除今次真係手尾長。
刪除