豆漿蒸蛋


豆腐蒸蛋
也可以說是玉子豆腐
蒸好後用蔥油
放上面
再加豉油調味
今次蒸得好滑
拌飯吃不錯


若想做豆腐效果
份量就一比一
但若果想更滑
可以多加點豆漿



南瓜雙腸飯


落左幾日雨
天氣冇咁熱
趁宅男在外食飯
做過南瓜雙腸飯
瘦肉腸潤腸
呢啲臘腸
係冬天食剩嘅
放在冰箱可以食成年
仍然好香
加上南瓜
好好味
而且呢隻
臘腸又唔太肥
若果怕臘味肥
可以先蒸一下
出油後
再放入飯面焗
咁就唔會有肥油
一樣咁好味



臘腸係買自
錦祥號
香港製造
真係唔錯



下雨天


這兩天雨下不停
今天由雷暴
到黃雨
現在還是紅雨警告
雨水滋養大地
植物也長得特別翠綠

這棵蘆薈
長得不錯
朋友說生長到沒有白點
就可食用
很一直有白點
不能吃
要來不知有何用


龍脷葉
生得不夠茂密


植物無處不在
借小小力就可以往上攀爬


大地需要雨露
太多雨水又濕又淋
有時也覺得煩
最好能適可而止
但天意難測
只要不要弄出天災
便感恩





花生眉豆木瓜素湯


木瓜樹
在新界村落
周圍都有機會見到
不過
要食新鮮木瓜
還是要自已買
早前在前院
買一個有機木瓜
放了差不多兩星期
仍然是青色
當然要用來煲老火湯
今次簡簡單單
用花生眉豆
加果皮蜜棗
煲兩小時
味道也不錯







芝麻卷包


早前
經常用機做包
今日應宅男要求
簡簡單單做個
港式芝麻卷包


新鮮出爐漲卜卜
都幾吸引架



材料
筋粉    250g
糖        28g
亁酵母     4g
牛油    20g
暖水   115
豆奶   28g
鹽       4g
包面材料
蛋液少許
芝麻適量
做法
1)將所有材料搓勻,搓至光滑不黏手。
2)搓好麵糰放在盆中,用保鮮紙包著(保鮮紙抹上乾粉)
3)發醇約30分鐘,取出用手拍打放氣,摺起再發酵30分鐘,取出造型。
4)將麵糰分成8份,用手壓平捲起,放在焗盆發酵至大一倍,塗上蛋液,再灑上芝麻,預熱焗爐200度,焗10至12分鐘便可(要留意各人爐火不同,小心焗燶)
食譜參考邱勇靈師傅[香港麵包]




早餐會


假期完結前
會一會
相識數十年的好友
大家都有點忙
吃個早餐便可

鮮茄肉碎通粉
味道不錯
意料不到碎肉是牛
牛油厚多
灑上了香草碎
幸好不多
還可接受
配上檸茶
相當不錯


早上人不多
坐上了兩小時
走時已到午餐時間
也開始人多起來
餐廳的名字很長
《桃園制作粥麵餐廳》





早出晚歸


早上出門
轉個彎
就見到呢團毛
嚇一跳
以為見到北極熊


見到我拍照
即刻走埋來
喂喂喂
咪掂我
我唔識你喎
做乜咁熱情


接近黃昏
路上遇見
風雨蘭


天色麻麻
海面一片灰濛濛


步行回家
看到日落的景色


雲霞溶化了咸蛋黃






枝竹滾湯


今次介紹
這個簡單素湯
材料都是健康食品
枝竹 番茄 紅蘿蔔 雞蛋
幾條蔥是加點綠
可有可無
吃全素的朋友
也可走蛋
湯和湯料一起食
有湯又有餸
這隻枝竹在
九龍城豆腐檔買
好有豆味
不易溶
但浸腍後滾湯也沒問題





又在《小桃源》晚餐


假期完結前
跟同學仔
走一趟羅湖城
行行食食
唱唱歌仔
例在《小桃源》晚餐
呢處真係好旺
六時已超多人
再遲些少
就爆滿


今次點左碟
有些邪惡
梅菜扣肉
扣肉同梅菜
一樣咁好味


呢隻係咸雞
雞味香不太咸
肉質還算唔錯


白灼蝦
鮮大隻
咕嚕肉吃了一大半
味道幾好
肉質則有啲靱
魚肉醸辣椒
魚肉好味
辣椒勁辣
金銀蛋蜆菜好食
芥蘭硬左少少
可能唔太合時
還有一碟小吃
花椒雞腳
共八碟餸



食埋甜品
綠豆沙及芝麻
完滿的一餐




約會在旺角


今天晚上
朋友仔一起晩餐
在旺角新世紀轉了個圈
選了這家《王家沙》
旺角即是旺角
平日都咁多人


點了一份薄餅
吃起很香
味道不錯
不過
朋友仔略嫌不夠熱


嫩雞煨麵
原來冇雞
只用雞湯
早知不如食陽春餅


一份熏魚
是糖醋味
似乎跟我
以前食的味道不同
本想食甜品
但最後因為
已經好飽而放棄



我和這位朋友仔
也是在網上認識
每年都相約見面
原來已是第八個年頭
每次見面都會談近況
也互相關心彼此的家人
友誼長青
話別時
相約下年再見




紅心奇異果


紅心奇異果
宅男拿回家的奇異果
一盒有十六個
不知是否新品種
和平時吃開的不一樣


紅心奇異果
雖然包裝寫上英文
但大家看到這色調
大概都猜到出產地
其實
奇異果原產地是中國
有個很可愛的名字
巜獼猴果》


熟透的
紅心奇異果很甜
不過就好腍



這個還未完全熟透
甜得來帶點果酸香味
但中央那白色就不能吃
大家食過未?
我大鄉里
第一次食





黑椒蘑菇炒四季豆


四季豆又名玉豆
街外食的
多會走油後先炒
但我怕太肥膩
而且用完的油
也不知如何處理
所以我會用水煮一會
過冷河再炒
這樣玉豆會腍一點
素食沒肉
今次加了洋蔥蘑菇
最後灑上
黑椒粉兜炒幾下
將味道提升
就不怕太寡
順便提一提
切不可生吃
四季豆含有豆角毒素
經加熱就可破壞毒素
安全食用







黑豆芽勝瓜素湯


一條絲瓜
半隻已經炒蛋吃了
剩下半隻
用來滾湯
材料還有
黑豆芽 番茄 紅蘿蔔
食材豐富
雖是素湯
味道也很清甜
黑豆芽不常有
我見到一定買
除了可滾湯
更可炒煮
營養價值高
口感也不錯
可惜不是常有








玉子豆腐


日本玉子豆腐
原來只有蛋
經科學精製而成
不含豆類成份
難怪吃起來
有種滑得不自然感覺

我自家製的A貨
係蛋加豆腐
應該叫蛋豆腐
事緣家中有
半盒滑豆腐
將豆腐壓溶
加兩隻蛋
加此少粟粉
及些少鹽調味
蒸熟再煎香
可以根據自己口味
做個醬汁薄獻
賣相麻麻
不過都幾滑








騙案


唔知大家最近
有否留意新聞

新聞圖片


幸好王子結婚得快
否則呢位女士
不只損失幾千元

有些
更令人驚嘆
網上新聞

此類案例多不勝數,今年年頭,另一名中年女士在網上認識一名「土耳其美軍」男朋友,到銀行匯款20多萬時,銀行辨識到該匯款戶口涉及其他騙案,故多問兩句,以及通知警方。
該女士其實未見過「土耳其美軍」真人,而對方要求匯款的理由也不合邏輯,警員花了一個早上游說,該女士才願意放棄匯款,惟不肯報案。
陳天柱指,2至3成網上情緣騙案的受害人都不肯報案,有些甚至已有數萬元損失,有個案最長被騙8年仍懵然不知,最大金額被騙2000萬。
警方指,涉及網上情緣騙案旳執法行動有不少挑戰,包括跨國犯案等,而香港是金融中心,大量戶口活躍,本港亦沒有外匯制管;而其中一項挑戰是事主未能及時報案
多數受害人相信有騙案,但不相信自己就是受騙人,自己那個是真愛,別人那個才是騙子。網上情緣針對人的弱點,有些受害人根本不想醒,一醒了就失去了些關係。
不知大家
睇完有何感想
我就真是無話可說
如果真係要講
只問
世間情為何物
直教人金錢相許


PEPPER LUNCH胡椒廚房


今日要見牙醫
前往診所前
吃個午餐
就腳試下呢間
原來又係日式


要自己買餐


午餐包一杯飲品
冇熱飲
只有汽水果汁及檸檬茶
自己取飲品
然後埋位等送餐
檸檬茶只有甜
冇檸檬味


我點雞扒餐
原來全部䥫板上
熱辣辣


我不吃半生蛋
用鐵板可煎到全熟
芽菜都可煮熟



雞扒幾滑
味道唔錯
好多黑椒有啲辣
最後我清曬
只食剩幾啖飯


呢間以牛雞為主
還有日式咖哩
適合年輕人口味
下午都好爆滿




勝瓜炒蛋


勝瓜炒蛋
在前院菜檔
買了一條長長的勝瓜
好嫩口
於是用半條來炒蛋
再加上雲耳
口感更豐富
呢個炒蛋做法
是先將雞蛋炒成滑蛋
後炒熟雲耳及勝瓜
再將滑蛋回鑊
想更好味可以用
糖豉油做個薄獻
也是一道不錯的素菜



勝瓜越嫩越好吃
㨂勝瓜要㨂軟身的
拿起來上下搖晃
時彈下彈下就啱
但搖時不要太大力
否則搖斷了會俾人鬧😅😅



海底椰素湯


非洲海底椰有
化痰止咳作用
不過市面上
圓形乾海厎椰
或急凍鮮海厎椰
其實只是普通椰果
正式非洲海底椰
只有塞舌爾群島出產
非洲海底椰
而非生在海底
而是長在樹上
價格較貴
要百多二百元一両
其他海底椰
可能有滋潤作用
但止咳效果
就冇乜啦

藥房員工
替我執了份滋潤湯包
除了普通海底椰
還有
淮山 玉竹 南北杏 蘋果乾
我加上
紅蘿蔔 陳皮 蜜棗 腰果
呢個湯清得來好甜
好好味啊





鯖魚柳番茄豆卜滾湯


鯖魚柳
遇著特價
真係平到冇朋友
六七塊錢就有一條
見到特價
會買多幾條放在冰箱
得兩老在家時
拎出來解凍
煎香就食得
是日用
兩條鯖魚柳煎香
番茄加豆卜滾個湯
有湯又有餸
加碟青菜
簡簡單單
已經好豐富



日式午餐


日式午餐
Menya Musashi
麵屋武藏
開在東港城已經很久
只和友人食過一次午餐
已經是好久以前
今次往將軍澳辦完事
一個人遊蕩
行來行去唔知食乜
經過門口
見有午餐定食
咁就呢間啦
我點了魚餐
有湯有菜有飯
每樣份量很小
我全部食清
剛好夠飽咋


旁邊看不清的兩碗
幾條豆角及半碗麵豉湯


呢餐加埋一
盛惠$74元
不便宜
清清地也不錯
但就冇乜特別
偶一為之也罷




火龍果麵包


都話近期好懶
所以多用機做包
今次做攪攪新意思
買左三個紅肉火龍果
將其中一個用機打蓉
做麵包
平時做甜包食譜
減回些少
水同糖份量就可以



都幾紅
味道冇乜特別
但好似甜得來比較清
表面睇到一點點黑色
食落又唔覺有嘢
都係攪攪震之作







XO醬炒飯


一人在家
唔想煮
又唔想出街
雪櫃有冷飯
咁就求其炒碗飯
醫下肚
只是蛋炒飯太單調
雪櫃內有樽
親戚自家製XO
簡簡單單
快手做個
XO醬炒飯
味道都可以喎
求求其其又一餐



美味烤麩


最近
買到
雪藏新鮮烤麩
覺得好味又易煮
而且食法多元化
炇煮炒涼拌也可以
所以雪櫃
也常放著一包
呢款炒沙葛雲耳
還有蘑菇本菇



原來烤麩
有豐富蛋白質
適合素食者
老人家多吃也無防



生活點滴之訪友

吃午飯前下著雨 午餐後天氣轉晴 藍天白雲 正是出門訪友好時光 謝謝好友一家接待 一邊傾一邊食 享受美味食物 同時也享受好友相聚時光 我也做了些少食物 帶去作手信