煎秋刀魚

在數字屋
買了包秋刀魚
非常便宜
一包四條只需廿多元
趁宅男不回家吃飯
消滅左佢
解凍後灑了些鹽
本意就想用焗爐焗
最後都是煎
比較快手
將魚頭除去
是因太長
放不下煎Pan
其實大家食秋刀
會吃魚頭嗎?


午餐住家飯


熱辣辣的天氣
煮飯都不是舒服的事
只是始終想盡量吃住家飯
是日
早上有閒在家
雖然下午要返工
都快快手
簡簡單單
蒸條魚
灼碟菜
總好過天天
吃街外食物


二人午餐

昨天早上
有事要辦
下午要返工
匆匆在快餐店食午餐
沙薑雞飯
有半隻雞
號稱
沒有味精的老火湯
一碗飯
$49
店員主動加飯給客人
因為雞真的不少
所以一個人吃不完
兩人吃一碗飯
又少了一點點
店員真體貼
加了飯
對我倆來說就剛好
呢餐好慳皮





好天氣熱天氣

電腦拎左去整
要過幾日先得
真係用唔慣手機寫Blog
去探大家都係今日先知道點做
今次試下上載相片 

今天天氣很好 
但又好熱
早上出門
已經好日曬
下午就又曬又熱
幾時真正有秋天呢?



電腦壞了

用了約兩年的電腦
今天突然罷工
開不到機
宅男弄了一會
話冇得攪
幸好當時加了幾百元
保養三年
約了星期三拿去修理
用手機寫Blog不習慣
而且很多相片
用相機拍攝
看來要休息一下
待電腦修理好
再回復正常☺️

晚飯在泉章居


時近中秋
又是飲飲食食的時間
昨天星期六
同表兄表妹
幾家人一起做節
選在旺角泉章居
星期六出到旺角
例牌人山人海
最討厭是街頭表演
喇叭聲浪非常刺耳
難為了附近的居民
都不大明白
呢啲會完全冇管制

胡扯一通後
言歸食物
當日十二人
點了兩個六人套餐
每個餐七百多元
再加隻霸王雞
套餐有多款小菜選擇
有湯有魚有肉有素
都吃得幾豐富














呢個湯大
兩個餐有兩個湯
我都飲左兩碗


今餐由晚輩發辦
晩輩找數
我們只負責食
傾傾談談
開心的一個晚上




什錦豆腐


雪櫃間中
都會有盒豆腐
冇乜煮意時
隨時左摷右摷
又做一碟餸
材料
豆腐 青瓜 皮蛋 紅椒 
加豆板醬煮
不太辣又冶味
青瓜煮得太熟不好吃
所以最後落鑊
兜幾兜便可以






車厘子?櫻桃?


車厘子和櫻桃
有什麼分別?
其實我覺得沒有分別
在香港一概都稱車厘子
上網查資料
有些混亂
看完以我所理解是
櫻桃是中國車里子
體積比較小
大粒偏向暗紅色
則是外國入口車里子
價格也比較貴
不過外形幾乎是一樣
我相片中的應是櫻桃
細細粒
清甜中有果酸味
買時剛開箱
很新鮮
而且平到你唔信
$18元兩磅
好抵食







齋鹵味


上次做完齋鴨腎
又試下做其他味道
今次做的不知
算不算是齋叉燒
一樣用麵筋球
略為出出水
切片用油略炸
再做個汁
回鑊兜勻收汁
放一天後
再用食用剪開
口感同外面買的差不多
汁料味道可隨意
茄汁 陳醋 豆辦醬 糖 生抽 老抽



呢款係冇炸
比較軟身
其實都唔錯





家庭聚會


今天有家庭聚會
簡簡單單
又超懶
在超市買隻熟雞
懶得自己整
X記罐頭鮑魚
海參炆冬菇
蓮藕素湯
素炒勝瓜
白灼菜芯
齋鹵味



超市買的燒腩仔


海紅魚
除鮑魚
條魚最貴
剛好$100大元
但又真係幾好味


愉愉快快
又過了一個晚上




菠蘿包


好久
冇做菠蘿包
太耐冇做
做到好醜樣
幸好個皮好脆
仍然好食
兩日食左三個
但真係不宜多吃
話說上次
病左一場
冇左幾磅肉
好番後
體重即時回升
有番甘上下年紀
真係唔好食得咁放肆
😅😅😅






旺角下午茶


其實我好少
星期日出街飲茶
不過
有人約又有例外
出到旺角地鐵站
真係超多人
富臨下午茶
乳鴿$18.8元一隻
肉質滑滑
味道也不錯


蛋白瑤柱炒飯
野菌炆伊麵
我比較喜歡炆伊麵
有些點心冇拍照
食物味道還可以
只是賣相真係麻麻


下午茶
真係幾抵食
傾傾講講
又過了一個下午







青木瓜素湯


有機青木瓜
放了一個星期
都不大變色
用來煲湯
加了粒蜜棗
還有陳皮
腰果 紅腰豆 眉豆 雞心豆
個湯好好味
而且有種好熟悉味道
就係濃濃的木瓜味
近年吃的木瓜
吃起很甜
但沒有木瓜獨有的味道
呢個青木瓜
雖然不甜
但就是以前熟悉的味道
講了一大堆
不知大家可明白講乜
總之就係好味啦
😂😂😂







糖醋排骨菜飯


當天早上
在青山道
上完整餅堂
因趕時間
怱忙間入了水餃店
小店非常擠迫
適值午飯時間
客人很多
找了個近門口座位
坐下先發覺有飯食

我呢個飯桶
點左糖醋排骨菜飯
這個配搭
第一次吃
個飯唔錯
排骨味道可以
可惜排骨太乾
套餐配茶$40元



老伴單點
水餃上海粗麵
味道正常
只是水餃皮較厚
加配豆漿
共$41元

香港人效率真高
不消半小時
已經可以起身離座
怱怱吃飽
另外有事要做








學做月餅


今天參加
一個團體包場的月餅班
蓮蓉現成
師傅教大家用花生油搓滑


師傅分蓮蓉
每人一份四個


每人分八隻蛋黃


師傅教搓粉



學員自己做好蓮蓉包蛋黃


細的是餅皮


做餅皮


包餡


用膠模壓做型
 

我和老伴的製成品


入爐啦


焗八至十分鐘
出爐掃蛋液


最後出爐


每人拎走四個
而且也有即場試食
爐火似乎不大均勻
實物靚過照片
因為團體非牟利
所以學費比外面平很多
好抵玩








黑豆芽豆卜番茄素湯


豆卜
是素食百搭材料
所以
我家冰箱常
豆卜雖是炸物
但一經出水
就不會覺得肥膩
所以我喜歡用來滾湯
黑豆芽豆卜番茄素
營養豐富
味道口感兼傋
我特別喜歡這黑豆芽
很爽口又不會太硬
可惜不是常常有








梅菜煎蛋


好耐冇整呢味餸
其實非常簡單
但若果買到好味梅菜
食來都好好味
做法簡單
梅菜略為浸洗
切碎用白鑊炒乾
燒熱油鑊將梅菜略兜
放入蛋汁煎香便成
我自己較喜歡甜梅菜
送飯好好味






行商場

今天行商場

今天日間天氣
仍然較熱
本來想出西貢食午餐
最後還是選擇
到商場嘆冷氣
將軍澳東港城
適值有個
小朋友汽車活動






行一會
自然要醫肚
揀來揀去
都係走左去
三哥米線


不過
今次比較失望
湯底太咸
食食下真係唔想食


食飽飽
去買些少日常食物
就打道回府
剛好用了兩小時
回家尚有其他事做



葷素蘿蔔糕

 日前在印度舖 買了兩條大蘿蔔 要做蘿蔔糕 呢處難買臘味 買到也未必好吃 我用火腿肉做替代品 做了一底好有份量的蘿蔔糕 帶給朋友做手信 另做一細份 素蘿蔔給宅男吃