團年盆菜



新春愉快
如意吉祥

昨晚年三十晚
應老伴同學邀
到其家中團年飯聚

老同學在大家樂訂了
一個盆菜
免卻蒸蒸煮煮
的功夫
一同吃吃喝喝
度過一個開心的晚上

盆菜大約六至八人份量
有九隻鮑魚仔
其中福袋做得很好味
整體味道也不錯
自家再加些青菜
煲個湯便很豐富

盆菜價錢$6xx








T&P pancake


呢幾日大家都忙於蒸糕
我今年冇時間做
可能過年放假先整來食
冇糕糕食
就食 pancake 

呢個  pancake 好耐冇做喇
今次整番幾件做早餐




blog友T&P pancake 食譜
方便快捷

材料:

雞蛋三隻
 自發粉 1 1/2 杯
  奶 or buttermilk 1 1/2 杯 (可加至 1 3/4 杯)
   糖一湯匙

   油一湯匙

做法:

        雞蛋打發, 
        加入奶, , 自發粉拌勻,
          最後加入油拌勻,   燒熱平底易潔鑊, 轉中细火,
不用加油, 麵漿倒下,     
煎到麵漿起哂泡泡,
反轉
煎到不黏鑊便可










開花的西蘭花



星期日(一月廿五日)

我又到我家前院[西貢自然教育中心]
買有機菜
在前院有新發現
大家繼續看下去啦

天氣不錯
有藍天白雲


新發現原來呢處
有種西蘭花
西蘭花見慣不稀奇


我第一次見西蘭花開花


朵朵小白花靚靚呀
引來蜜蜂採蜜


呢種水芹
未食過



當天收穫





南瓜番茄炆排骨



南瓜番茄炆排骨

南瓜番茄加起來
酸酸甜甜
非常醒胃
我今次買到腓排
腓排又"淋"又滑
最適合我地"老人家"食
哈哈










思鄉


今日真係暖返好多
人都舒服晒
我冇去行街街
市區唔知乜環境
我村口花圃
已經放滿年桔同花



對於過年
真係越來越平淡

剛同兒子傾偈
佢可能人在異鄉
竟然話要貼揮春
買糖果同想買年
攪攪過年氣氛
年三十還要約埋
唯一同是香港去
的同學食飯團年
擺明係思鄉




韭菜腐皮卷


韭菜腐皮卷
材料簡單
只是瘦肉加韭菜
調好味
用腐皮包起烹蒸熟便成



我呢隻腐皮
在牛池灣街市
一個售賣素食
煲糖水都好滑好香

可惜我一直未試過樹記
冇得比較
樹記日日排長龍
不知是否真係咁好




板長烏冬



這天匆匆忙忙
好趕
在西鐵出閘
找地方祭五臓廟
原來這個元朗新中心
正在改頭換面
很多鋪裝修中
食的店舖
只有三間選擇
其中一間是酒樓
一是兜巴星
在別無選擇下
來了這間店

新科技點菜


冇樣o岩食
只有幾款鳥冬
可選擇

老伴點牛肉烏冬
佢存冇投訴
睇來都唔會好差


我食番茄海鮮烏冬
湯底幾好味
內容有天婦羅
蟹柳、魷魚、番茄、紫菜
食到最後先發覺有幾粒元貝



兩碗鳥冬
都要成百蚊找數

呢處最唔惦係杯茶
擺壺唔凍唔熱o既水
響檯俾客人沖茶
好在有帶私伙熱水
認真麻麻





咸菜蘿蔔炆班塊



咸菜蘿蔔炆班塊

現在蘿蔔當造
不做蘿蔔糕
也可煮吃
我買的咸菜
是西貢土產
本地人自家醃的
用的是長身芥菜
味道幾天然
雖然醃菜多吃無益
但間中用作配菜
可提升食慾









再世紅梅記


紀念戲迷情人
[任劍輝]百歲冥壽
任白慈善基金會主辦

梅雪詩
陳寶珠
演出
再世紅梅記



開演前



仙蹤到處
例必哄動


演出期間
不許拍照
我當然會守規矩
專心看戲

接近落幕的一刻
舉機按掣
即被工作人員阻止
所以呢
做人都係守規矩好  
 哈哈


落幕後
銀幕隨即打出
任白當年的現場演出照片


最後是謝幕






這兩位大家可能較熟悉
任冰兒
阮兆輝


陳寶珠


梅雪詩


仙姐壓軸出場


齊齊謝幕




八十多歲的仙姐(白雪仙)
老當益壯
仍然精力充沛
策劃監製了一台好戲
讓戲迷們大飽眼福


三師徒笑意盈盈










萬寶素食館


星期六
跟表兄和表妹的家人
提早團年
我提議吃素
幾位年青人也沒異議
於是由我拿主意
定了萬寶素食館

第一次吃店的素魚生
加上豉油芥末
味道真有點像



栗子素雞
影相手慢
己經食緊


雜菜煲
食剩小小


素鰻魚煲


錦鹵雲吞好大碟


芋頭魚
外形唔靚
但芋頭好味


素乳豬拼盤


素炸大腸


欖菜炒飯
我最愛吃


還有三絲炒麵
齋鹵味冇影相
生果糖水任食

呢餐由後輩結脹
聽說$800元左右
他們說好味又抵食





清炒酒香芥蘭


今日陽光好好
因為還有點累
而跟著來的幾
晚上都有約會
日間要多點休息
不敢到處跑
連興趣班都要缺席


這是早幾天做的

清炒酒香芥蘭

今次買的有機芥蘭
比較粗壯而少葉

我處理芥蘭方法
是切片出水撈起
用油爆二片薑或蒜頭
再將芥蘭回鑊
"讚酒"
下鹽調味
兜幾兜
再用少許
少許豉油做個薄獻

我兒子很喜歡吃
輕微酒香的清炒芥蘭



老伴愛吃葉多於莖部
剩了多片吃不完
翌日
加雞絲做了個有味飯













素食餐~枸杞湯+蘑菇炒蛋



今日己經退了燒
只是有點累
多謝大家關

手部問題比較麻煩
希望天氣回暖會轉好

上星期買的有機菜
第一餐就煮了兩樣

枸杞滾紫菜湯
沒有落肉
也沒放太多水
枸杞嫩滑
野生紫菜好爽口
沒有肉的湯
是清了點點
看個人是否接受



蘑茹炒蛋
加了一隻番茄
賣相不大好
只是材料新鮮
味道還是不錯


材料新鮮
簡簡單單也好味


有機番茄煮排骨


天氣可能真係凍得太耐
攪到我對手生"凍瘡"
俗稱"蘿蔔仔"
一沾凍水就又痕又痛又紅,
但過左氣又冇事
連伸手入雪櫃都唔掂

一波未平一波又起
昨晚無端又發燒
攪到成晚起身喝水
呢兩天重要返工
放假有飯局同戲局架
真係要快快好番

今曰冇乜胃口
於是煮左個番茄
酸酸食開下胃

有機番茄煮排骨


除左番茄
還加左幾片紅色燈籠椒
我覺呢隻有機燈籠椒
比普通街買的較甜
幾好味





生活點滴之訪友

吃午飯前下著雨 午餐後天氣轉晴 藍天白雲 正是出門訪友好時光 謝謝好友一家接待 一邊傾一邊食 享受美味食物 同時也享受好友相聚時光 我也做了些少食物 帶去作手信